HKD 500K+
Donation Received
HKD 350K+
Money Donated
11+
Active Campaigns

You could donate to

急籌 🆘醫療開支及糧食嚴重告急🆘只餘3天糧食儲備

15 Mar 2025

急籌 🆘醫療開支及糧食嚴重告急🆘

傻媽一直咬牙堅持昂貴的醫療開支🌻 新救援咗中毒嘅田田、因病重被棄養嘅老人家Coffee、冬冬等,烏蠅蟲瑪仔做完大手術仍在留院,但目前無力支付出院費用,以及場內毛寶長期病患配藥、定期覆檢等

🥹只餘3 天糧食儲備
傻媽一直賒數買糧食😭毛孩長期開支負數達20萬😭資源極緊絀💔 ⚠️ 現急需醫療,狗糧,貓糧,罐頭,貓砂等物資⚠️

情況極為嚴重💔所以懇請各位支援🐶🐱 目前依靠有心人捐款去營運狗舍開支,真的零政府資助及零資金可支援☹️

有心人所捐贈的每分每毫都十分重要🙏🏻 傻媽呼籲各位🙏🏻請不要小看自己的能量💓大家聚沙成塔必定可以渡過難關🙏🏻🙏🏻🥹
在此懇請各位捐助糧食物資💓

目前3月仍有第二期接種混合針與心絲蟲針💉
#預防勝於治療 所以毛孩急需各位支援打針費用

傻媽一直默默守護毛孩💓🌻生命改變生命 讓愛終止流浪!

 
View more

Suppaw Bring Me Home嘅「浪浪助養計劃」,主要關注香港有心獨立義工或小型救援機構,原因係佢哋無論係時間、人手或者資源,好多時都係被忽略同比較少支援。而網站入面嘅Video,係百分百由我哋Bring Me Home嘅義工用心去拍攝同訪問。原因係第一,我哋親身去到個度就會明白情況是否屬實,第二,係更切身感受同明白義工嘅處境同埋佢哋需要咩支援。

有時候我哋會因為環境關係未必可以即時去領養或者暫託動物,但然而,香港有好多好有心嘅人都仍然想去幫浪浪,特別係一啲緊急個案。希望集合大家小小嘅支持,聚沙成塔,成為幫助更多浪浪嘅巨大力量!

Bring Me Home會跟進同埋確保資訊清晰透明​,我哋會一路完善過程,敬請多多包涵同支持!

*捐款港幣$100元或以上即可扣稅。 (Bring Me Home Ltd – 慈善機構牌照 91/18322)

浪浪助養

幫助機構緊急糧食籌款!

一場黑雨,除左破壞香港市民嘅日常生活,更嚴重破壞唔少貓狗場多年所準備嘅防洪措施。面對無情嘅黑雨,狗場嘅所有設施亦只有任憑黑雨嘅沖擊,毫無反抗餘地,狗場霎眼間變成水塘。

我地面對黑雨嘅破壞都束手無策,更何況係毛孩。眼見自己身處嘅家園轉眼間變成水塘,自己又無處可逃,當時嘅驚恐無助並非言語能夠表達。感恩一眾義工們即使黑雨、水浸,都對浪浪毛孩不離不棄,盡全力拯救,諗盡辦法將狗狗遷移到唔會浸到佢地嘅地方,確保佢地安全平安。又冒雨連夜不眠幫狗場抽水排水,將損毀減琴最低。感恩有你地成為浪浪毛孩守護者!

今次突如其來嘅黑雨,除左要清理狗場嘅雜物,重新建造預防措施之外,仲要點算今次黑雨破壞嘅物資損失。其中每日所需要嘅糧食更係損失慘重!Suppaw 義工過去亦有到過狗場,親身體會到當地嘅情況,好明白呢場暴雨確實令各機構元氣大傷。所以今次Suppaw 發起緊急糧食籌款,希望能夠集合大家嘅力量,緩解糧食方面嘅迫切問題,另佢地能夠有多少少資源去重新整理貓狗場,為浪浪毛孩建立一個更完善嘅家!

緊急糧食籌款,目標短時間內幫助不同貓狗舍550隻狗、70隻貓(9月10日更新),籌款總目標:HKD38,000
,捐款進度及機構會在盡快在此更新。

HK$80 – 狗狗5日糧食
HK$50 – 貓貓5日糧食

受惠機構:
幸運狗舍 : 幸運狗舍
錦田七星崗芳婆婆毛孩之家: @tsk.fongsweethome 錦田七星崗芳婆婆毛孩之家
阿棍屋: @hjoyandmercy
傻媽流浪貓狗之家: 傻媽流浪貓狗之家

 

*捐款港幣$100元或以上即可扣稅,所有捐款的5%會預留作物支安排及運送支出(Bring Me Home Ltd – 慈善牌照 91/18322)

***Payme/FPS 捐款者, 如果想要收據, 請whatsapp 60588326

View more