一場黑雨，除左破壞香港市民嘅日常生活，更嚴重破壞唔少貓狗場多年所準備嘅防洪措施。面對無情嘅黑雨，狗場嘅所有設施亦只有任憑黑雨嘅沖擊，毫無反抗餘地，狗場霎眼間變成水塘。 我地面對黑雨嘅破壞都束手無策，更何況係毛孩。眼見自己身處嘅家園轉眼間變成水塘，自己又無處可逃，當時嘅驚恐無助並非言語能夠表達。感恩一眾義工們即使黑雨、水浸，都對浪浪毛孩不離不棄，盡全力拯救，諗盡辦法將狗狗遷移到唔會浸到佢地嘅地方，確保佢地安全平安。又冒雨連夜不眠幫狗場抽水排水，將損毀減琴最低。感恩有你地成為浪浪毛孩守護者！ 今次突如其來嘅黑雨，除左要清理狗場嘅雜物，重新建造預防措施之外，仲要點算今次黑雨破壞嘅物資損失。其中每日所需要嘅糧食更係損失慘重！Suppaw 義工過去亦有到過狗場，親身體會到當地嘅情況，好明白呢場暴雨確實令各機構元氣大傷。所以今次Suppaw 發起緊急糧食籌款，希望能夠集合大家嘅力量，緩解糧食方面嘅迫切問題，另佢地能夠有多少少資源去重新整理貓狗場，為浪浪毛孩建立一個更完善嘅家！ 緊急糧食籌款，目標短時間內幫助不同貓狗舍550隻狗、70隻貓（9月10日更新），籌款總目標：HKD38,000
，捐款進度及機構會在盡快在此更新。 HK$80 – 狗狗5日糧食 HK$50 – 貓貓5日糧食   受惠機構: Kelly’s Animal Shelter: @kellyanimalsshelter Kelly Animals Shelter – KAS 龍鼓灘貓狗關注組 幸運狗舍 : 幸運狗舍 錦田七星崗芳婆婆毛孩之家: @tsk.fongsweethome 錦田七星崗芳婆婆毛孩之家 阿棍屋: @hjoyandmercy 傻媽流浪貓狗之家: 傻媽流浪貓狗之家   *捐款港幣$100元或以上即可扣稅，所有捐款的5%會預留作物支安排及運送支出（Bring Me Home Ltd – 慈善牌照 91/18322） ***Payme/FPS 捐款者, 如果想要收據, 請whatsapp 60588326

最近得知婆婆身體已響起警號，縱使好多義工都紛紛仗義相助，捐物資、主動去照顧毛孩，希望可以令佢安心休息，但義工人手始終不足以應付每天恆常工作。 相信好多人睇完婆婆既故事，都會好希望可以出一分力去幫助婆婆同毛孩之家，但又無奈無時間去親身照顧毛孩。 其實除左親身到場幫忙之外，我地都可以通過以下渠道進行捐款，令婆婆有更多資金提供更好既環境及資源比毛孩 – 我地希望可以籌得共60000元善款，為佢安排一張電動輪椅，並將善款用係聘請兼職人手、犬舍設備、雜費、醫療相關費用，令婆婆可以更放心繼續照顧狗仔！ 你既幫助對佢地黎講好重要架 – 一於身體力行，有錢出錢、有力出力，為婆婆打氣啦！

狼狗妹大約8歲，已絕育，1歲幾被前主人養在室外，不准入屋，直到滿身牛脾被主人遺棄某舖頭外，當時身體還有傷口，至於係被虐打定户外弄傷，就不得而知了，當然芳婆婆亦不忍心，所以就帶左狼狗妹返狗場，從此跟著芳婆婆，而且誕下兒子，兩個感情非常要好，相依為命。 狼狗妹雖然大隻，但性格溫馴，今年初發現左耳耳朵流出深色液體，義工請醫生入場睇過狼狗妹，初時醫生診斷耳朵發炎，嘗試食消炎藥醫治及洗耳朵，但一直沒有好轉，最近已經發現潰爛及惡化，流出惡臭液體，而且已感染左耳，流濃不斷令頸毛醬成一團，即使每日清潔仍擔心有感染風險。 即使財政再困難，婆婆及義工仍想盡一分力，因為再延醫分分鐘有生命危險，近日再次找醫生診斷，兩隻耳仔流膿情況嚴重，而且在外耳及耳道已有傷口，血與膿已混成一團，醫生盡最後嘗試為狼狗妹清潔，當然是非常痛楚，但狼狗妹也只發出小小叫聲，忍痛能力已令人配服，之後還要再覆診及洗傷口觀察情況，有可能要切走耳朵及部份耳道，但沉重醫療開支根本不能負擔，現在都只是見步行步。狼狗妹年時已高，行動不太方便，加上身型龐大，每次從狗場出入上車落車也令婆婆很非常吃力。 9月14日因為狼狗妹出現胃反轉情況，義工已帶浪浪去做緊急胃反轉手術。這3天還處於危險期，要觀察。單是一晚醫療費婆婆及義工已用了$26xxx，之後每日住院約2千/日。 現希望大家能夠幫忙盡快籌到足夠醫藥費，讓狼狗妹可以早日康復。

2023年8月20日 Coffee 喺狗場已經好長時間，好不幸，隨住年紀增長，佢擁有大部份老狗嘅疾病。雖然佢已經完全失明，但好彩得到婆婆嘅悉心照顧同寵愛，配合埋日常食嘅營養補充品，好開心見到 Coffee 近排生活同飲食都一切正常。但畢竟老犬還是有很大醫療開支，請大家幫幫手籌集資金比佢得到適當的治療，減輕痛苦，令佢晚年可以過得好一點。 https://suppaw.com/wp-content/uploads/2023/08/WhatsApp-Video-2023-08-28-at-8.54.00-AM.mp4

栢栢出咗事緊急要大家一齊幫手救救他 現在先同大家憶起返栢栢大家嘅遭遇，原來身體不好的栢栢在小時候已經因病切了一邊腎，而他本是和他的親生媽媽一起生活在台灣一個幸福的家，但因為一次意外，主人突然過身了，兩母子從來沒有估計過主人的一次的日常出門，竟然變成了狗人永隔的一個永別。 失去主人之後栢栢兩母子便由主人的好心朋友協助接出到香港生活，本想這舉是可以令他們忘記以前傷痛經歷的一件美事。但命運偏偏就是要這兩母子又再經歷離別好心人要移民，但考慮到他們的年紀和身體狀況，再次移居未必會再為他們帶來好改變，所以商量過後決定將他們交給幸運狗舍，渡過平淡是福的餘生，本應一切已安頓妥當，兩母子亦已適應在幸運狗舍的新生活，栢栢更一同參與義賣活動，十分快樂。 誰不知噩耗突然響起，栢栢在一天起床後便突然發現個口合唔埋，當時擔心是否撞到個下巴，於是帶去診所檢查，翌日到隻腳仔開始行唔到。之後隨即轉介到神經專科醫生診斷，檢查後判斷為未梢神經系統問題（PNS)，是一種罕見病，原因亦不明，照左Ct scan更發現七節椎間盤移位⋯ 經過這麼苦的生活後還要他承受這個那麼稀有的病纏真的不分不忍，雖然每天也有著沈重的治療環節，但栢栢的眼神，合作舉動，我們知道他是很希望能夠打贏這仗，和媽媽可以安穩地過餘生。 義工也和柏柏一樣，不想放棄，不會放棄，你們一直支持着我們的幸運狗友，可以繼續幫幫我們，一起打勝這場仗嗎？來日漫長，善款將會用作以往及將來醫療開支。 🐶: 請支助我（栢栢）繼續可以得到治療 我（栢栢）不想放棄 下星期又會去另一個地方尋醫 你們會支持我嗎？🥹

黃媽媽幾年前係其中一隻生活於墳場嘅狗狗，而狗群之間常會互相打交，有時更會會受傷，黃媽媽更是弱勢一群，於是Emily一次過救了幾隻被排斥嘅狗，黃媽媽便是其中一位。 她今年11歲，不久前證實患上非常罕見的心臟癌症，即係心臟入面有粒腫瘤，而且有擴散跡象，氣管亦有下榻嘅問題，所以佢嘅活動能力逐漸下降，而且還時常咳嗽，暫時可以做的不太多，已經在食化療藥，及氣管藥物。而且左眼有白內障情況，只有一隻眼嘅視力。除咗化療藥物黃媽媽亦需要雲芝補身，稍後Emily亦可能會帶佢回家集中照顧，呢一刻已經很難再出領養，所以亦希望有心人可以助養黃媽媽，令佢病情得以舒緩。

Cute Cute同Joy Joy 2隻狗狗一直同女主人Sue相依為命。Sue同2隻狗狗感情深厚，早變成大家生命中嘅『唯一』。好景不常，女主人Sue早前得到乳癌，還幸一直有2隻狗狗陪伴在側，令主人決意戰勝病魔，勇敢接受化療並接受乳房切除手術，現時主人健康情況穩定。 剛渡過一次生命中嘅難關，Sue現時又要面對另一個難關，因為Cute Cute 最近有頗嚴重嘅皮膚病，可惜因為之前嘅重病令女主人活動能力大不如前，工作能力亦受限。Sue仍努力希望可以幫Cute Cute 得到合適嘅治療，希望大家能略盡綿力，幫忙Cute Cute 嘅治療費用。