• EN
    HKD 20000+
    Donation Received
    HKD 15000+
    Money Donated
    10+
    Active Campaigns

    You could donate to

    浪浪物資助養:🔸Lilmon小怪獸🔸幸運狗舍

    本地每日都有唔少需要被幫助嘅浪浪,而唔少義工同機構都好有心咁默默努力去拯救生命同幫生命尋找幸福嘅出路💖

    Suppaw - Bring Me Home明白,被拯救番黎嘅生命一時三刻未必可以順利尋家,我哋作為一個慈善平台,期望不定期為有需要機構/義工,眾籌所需善款及物資,應急浪浪同場地所需。今次我哋將幫忙『Lilmon小怪獸』及 『幸運狗舍』,為佢哋籌組4月份場地浪浪所需嘅糧食、藥物及用品。

    📣物資捐款助養詳情
    籌款總目標:HKD47,000
    籌募時間:即日起至3月31日
    善款用途:款項將用作支持『Lilmon小怪獸』及 『幸運狗舍』場內浪浪所需物資

    📣助養款項選擇:
    ⭐️狗狗助養:每隻HKD750/月
    ⭐️貓貓助養:每隻HKD380/月
    ⭐️或自訂物資捐款金額

    █基金此個案支援機構:『Lilmon小怪獸』及 『幸運狗舍』█

    🐶機構故事:

    1️⃣『Lilmon小怪獸』
    由獨立義工將救浪浪的點滴記錄,無論貓貓或狗狗,義工每日都努力去救援及幫助浪浪找領養家庭。Lilmon小怪獸希望香港人不要忘記社會上還有這群弱勢,多點理解,多點包容。同時希望能得到大家支持及幫助,將力量一點一滴凝聚。

    2️⃣『幸運狗舍』
    最初以獨立義工方式去幫助浪浪,但所做始終有限,於是慢慢將流浪狗帶回家照顧。兩位創辦人對於狗狗生活質素非常注重,狗場內盡量希望讓狗狗自由跑動,不需要入籠。每有新狗進場,創辦人都會花大量精力去幫助新狗融入狗群,令他們和平共處, 自由跑動。現時幸福狗場內大約有30隻狗,狗場只有3人營運,工作量極大,希望能得到大家支持領養或捐贈。

    *浪浪助養數目及資助項目為現時大概估算,籌得款項將全數用以購買浪浪所需物資

    浪浪物資捐贈計劃

    齊齊為『阿棍屋』浪浪贈一點『愛的養份』❣️浪浪『凍乾食品』認捐開始啦❣️

    繼上次嘅鮮食包後🫰今次Suppaw同Once合作,希望透過認捐『Once凍乾食品』,將籌得嘅食品連同款項,扣除成本後全數捐出俾『阿棍屋』😍 同時亦係另一種方式順帶支持Suppaw義務領養平台!

    🗣️ 立即 follow @suppawhk@once.pets.ltd 嘅IG,Once將會多捐1包凍乾食!

    💟認捐活動詳情:
    認購價:HKD80/包(任何口味) (原價每包HKD80-135)
    認捐時段:即日起至3月15日(已完結)

    💟 鮮食包會於活動結束後,根據認捐總數量,直接送往『阿棍屋』場地供浪浪享用。有關捐贈款項亦會於活動結束後,盡快點算並捐到有關機構戶口。活動最新之捐贈詳情亦會於社交媒體內發放❤️

    💟有關食品包:採用100%原肉同海鮮,提供原肉般天然純淨嘅營養。可加入主糧做佐料,食咗可幫助促進消化系統和同皮毛嘅健康,提供足夠能量。是次捐贈之凍乾食品,更獲FDA、 TA CERT及中大基因測試認證。絕對保障浪浪嘅腸胃同健康❣️

    Suppaw Bring Me Home嘅「浪浪助養計劃」,主要關注香港有心獨立義工或小型救援機構,原因係佢哋無論係時間、人手或者資源,好多時都係被忽略同比較少支援。而網站入面嘅Video,係百分百由我哋Bring Me Home嘅義工用心去拍攝同訪問。原因係第一,我哋親身去到個度就會明白情況是否屬實,第二,係更切身感受同明白義工嘅處境同埋佢哋需要咩支援。

    有時候我哋會因為環境關係未必可以即時去領養或者暫託動物,但然而,香港有好多好有心嘅人都仍然想去幫浪浪,特別係一啲緊急個案。希望集合大家小小嘅支持,聚沙成塔,成為幫助更多浪浪嘅巨大力量!

    Bring Me Home會跟進同埋確保資訊清晰透明​,我哋會一路完善過程,敬請多多包涵同支持!

    *捐款港幣$100元或以上即可扣稅。 (Bring Me Home Ltd – 慈善機構牌照 91/18322)

    浪浪助養