Mar
政府收地‼️毛孩無處容身😭
錦田七星崗芳婆婆毛孩之家
2025年5月24日
好想大家都知道一件真人真事，香港有位善心人，住舊樓，只靠努力工作，幾十年如一日用心照顧流浪同老弱傷殘嘅動物❤️
因為洪水橋、廈村大規模收地，但政府無安置，所以佢一直租嘅狗場要被迫喺短期之內遷出😭😭😭
善心嘅老人家，已經冇再多嘅積蓄💔加上只係租客，又分唔到土地法定補償，實在無能力覓地重建毛孩之家😭😭🏠🐱🐶
婆婆在生時一直想報答呢位善心人，臨終前得知政府收地都非常擔心😭😭
場地有30-40隻狗狗🐶🐶 好多曾經瀕臨被漁護署人道毁滅🩸或者被無良主人棄養🐾😭😭 善心人唔忍心見到慘事發生，只好將佢地全部救起🏠
一眾義工打算盡力收留呢班毛孩，等佢地繼續有個容身之所❤️🏠代婆婆完成向善心人報恩既心願❤️
📣目標**眾籌25萬**📣以調整宜家場地嘅間隔、修葺環境同添置設施去容納新狗狗，希望佢地可以喺度快樂自在咁生活🐱🐶🐱🐶
💰💰💰預算如下︰
1.改間隔及修葺場地 (30-40隻狗狗空間) – 17萬 🔧🧰🔨🪓🌿
2.水電工程 – 5萬💧
3.添置風機、風扇、燈、等器材 – 3萬 🌀💡
與此同時，我地都會盡量保留返空間，俾原本住喺場內嘅毛孩，請大家放心🫡🐶🐱
芳婆婆會定期交代善款數字同支出單據💰💰
捐款喺Suppaw平台，仲可以俾到扣稅收據💚🧡🧡
希望大家願意出多一分力💪🏻💪🏻慷慨解囊💰多多益善❤️萬分感謝🫶🫶🫶
一個婆婆與39隻毛孩相依為命的故事
婆婆今年65歲，耗盡一生血汗同體力去照顧貓貓狗狗，原因就只得一個，因為十分愛。婆婆話貓貓狗狗生命只有十數年，所以一定要好好珍惜佢哋。幫到佢哋，自己又開心，咁樣先係唔浪費光陰。
婆婆從小就知道自己鍾意貓貓狗狗，由１隻養到６隻，再由６隻慢慢增加到12隻。其他人知道婆婆鍾意，於是不論喺路邊見到可憐狗BB或者受傷嘅貓貓狗狗，就會直接交俾婆婆照顧，甚至有啲無責任心嘅貓狗主人，棄養就直接將狗狗放喺婆婆屋企門口。最高峰，婆婆要獨力照顧70隻貓貓狗狗。如是者一個狗場就這樣誕生了。
香港人煙稠密，樓價租金每年幾何式增長，可以想像一個普通人要保持一定生活水平已十分困難，更何況係要做保護動物權益養70隻貓狗。婆婆本身係九龍人，由於狗狗數目增加，遭到大廈住客投訴，由九龍搬到新界新市鎮，再由新市鎮搬到更偏遠的元朗郊外。這個荒蕪地方最後就變成貓貓狗狗的落腳地。婆婆話元朗郊外一片寧靜，但運送物資好困難，所以狗場環境相當簡陋。同時，交通不便會耽誤到帶年老和有病貓貓狗狗睇醫生嘅時間﹐召集義工亦相當之艱難。雖然如此，但婆婆決心堅定，目標明確，但求一直陪伴睇到佢哋每一個畢業，就心足了。婆婆身體已大不如前，最近眼睛已開始退化，關節因為長期過於勞碌，行路需要拐杖扶持。
婆婆堅持做對嘅事。動物生命，保護弱勢社群係每一個人嘅基本責任。我們希望大家可以伸出援手，幫助婆婆繼續維持這個狗場，繼續宣揚愛護動物嘅信息，幫助有需要嘅動物。
2025年2月22日
村內不斷出現浪浪🐾🌳貓媽「叮鈴」係其中之一🔔三餐不繼、只靠叢林、車底或者廢置雜物遮風擋雨，村內多倉地同車場，流浪動物生活困苦，係正眼前一定要救😭
「叮鈴」同之前嘅個案一樣，未絕育，救佢番黎發現已經大肚⋯⋯🐾慶幸叮鈴順利誕下3隻小B：「胖虎」、「靜香」及「木杉」，喺暫托屋企休養🏠
《叮鈴家族》出場🧧♥️🔔
❗️最近醫療費壓力急增，近半年，附近好多浪貓，只得設籠誘捕，排絕育，性格好嘅，絕育後會出領養。受傷嘅要安排就醫。發現懷孕嘅，要安排安胎，暫托，特別膳食和睇醫生🐾
♥️近排出領養既貓貓全部都係村內浪浪生既，救左貓媽番黎先知大肚，3隻BB轉眼已經3個月大，非常活潑可愛💗係時候出黎同大家say hi 啦😘
胖虎、靜香打咗第一次預防針，就準備好搵屋企，擺pose影相冇問題❤️
2025年1月15日
成龍突然下半身手腳癱瘓🚑 轉介專科照MRI，確定頸椎椎間盤突出壓住神經線❗️要緊急開刀。
好彩完成4小時嘅大手術後都成功💐 成龍好乖，任醫生姑娘點摸都乖乖嘅，冇喺醫院吠過一聲🥺
成龍🦮醫療費用單據明細如下︰
2024年12月27日夜診急症︰$1,210
2024年12月28-31日神經科診斷﹑磁力共振掃瞄﹑椎間盤手術﹑留院支出︰$89,754
2025年1月13日神經科覆診︰$900
總計︰$91,864
希望大家可以資助成龍，佢盡快康復！💐❤️
2024年12月19日
狼狗妹祝大家聖誕快樂！🎄
今年狼狗妹想「身體健康」做禮物🎁
佢有血尿🩸醫生診斷為初期腎病😭😭要長期作戰；關節亦因年老而退化，行一步都辛苦，要食藥舒緩 🚑
狼狗仔仔已奔彩虹橋🌈 見狼狗妹望住聖誕樹個樣都有d心酸😭😭 大家可以幫佢打打氣嗎？♥️
年關難過，單係檢查同藥費已經＄3,621❗️後續治療仍有漫漫長路
🦮希望大家聚沙城塔，多多益善，支持狼狗妹既醫療費用，不勝感激！♥️💐
2024年4月22日
義工馬不停蹄🏥阿棍屋善行動物診所醫護團隊繼續伸出援手救助💊只為毛孩們得以康復💛
祝願醫療團隊身體健康♥️ 請大家繼續支持阿棍屋🙏
🐶 豆豉雞: 肺炎及氣管問題覆診
🐱 大媽: 慢性腎衰竭覆診
🐱 小白: 眼壓問題覆診
🐱 呀醒: 新救援，胎中有4b
🐱 金貓: 新救援，手及身體多處傷口，轉交阿棍屋接收
雖然得到阿棍屋醫療援助，但生活開支仍然高昂❗️好多場內貓狗年事已高😭😭仲有救援工作，希望大家伸出援手捐錢♥️幫助場內每一個貓貓狗狗，珍貴嘅生命🙏🙏
2024年3月31日
1日5隻毛孩睇醫生🩺
感謝阿棍屋善行動物診所提供醫療支援💐令毛孩繼續得到治療機會🦮♥️
@housejoymercy @hjoyandmercy
黃媽：乳腺瘤
豆豉雞：肺炎及氣管問題
大媽：慢性腎衰竭覆診
細佬：口炎及腎病覆診😭有免疫力問題，各方面指數差要長期覆診，食藥同考慮做手術😷
小白：眼壓問題
2024年3月27日
天氣開始炎熱😭🔥蛇蟲鼠蟻出動嘅時候，場內進行一系列翻新工程包括
– 清理外圍雜草減少毒蛇出沒🐍
– 義工幫手搬運及添置鐵櫃存放物資，減少老鼠咬爛🐀
– 修理場內鐵閘及供電設備🔔
2024年1月12日
沒有婆婆的日子，貓狗仍然需要生活，冬季來襲，場內義工為狗狗們穿上禦寒衣物🥶❄️🐾🩶
好可愛😍 🤎
2024年1月6日
得知最近婆婆身體轉差😭😭 唯有聘請兼職幫忙，義工公餘時間都用於照顧毛孩，為咗維持每日狗舍嘅正常運作，有時要輪流請假🔔
加上COFFEE、細佬、小白之前生病耗用咗大筆醫藥費❗️情況令人好擔心，又要搵到其他義工幫手🐾
希望籌到每月營運嘅錢錢💰支撐毛孩每日嘅起居生活，大家都可以一起參與支持嗎? 
2023年11月24日
近1個月醫療支出頗多，財政負擔沉重🥺
2隻貓貓🐾🐾小白﹑細佬先後身體消瘦😭食欲不振，深入檢查後發現有不同炎症；小白還要剝牙
另一邊年長Coffee突然血尿，照鏡後預計受感染❗️需要食藥治療；而Momo皮膚問題，慶幸痊癒了♥️不用再覆診
細佬: $20,132.5
小白: $25,421.5
Coffee: $5,268
Momo: $906
以上總開支已超過5萬元❗️
為咗生存🔔場主已經好努力開源節流，希望大家資助毛孩嘅醫療費用🦮❤️多多益善﹗
2023年 6月11日
多謝各位慷慨解囊 ♥️
我地已將收到的籌款用於婆婆治療、購買健康保健食品同兼職開支💰
婆婆非常感激大家為她打氣💐♥️一直積極治療，健康情況尚可，所以堅持步行，親力親為照顧狗狗🐶
最近天氣非常炎熱🥵 場內溫度比外面更高三四度，很容易中暑，所以婆婆儘量一朝早同接近黃昏時間工作，以最好狀態同義工一齊努力！♥️
為左防止有蛇🐍係春夏天出沒埸內傷害狗狗，有義工自發到周邊清除雜草、垃圾❗️再灑硫磺驅蛇。另外義工幫手鑽牆安裝風扇，合力裝上遮光布抵擋猛烈陽光☀️
非常感謝各位義工的幫助♥️亦感激有人捐款，令狗場可以聘請兼職繼續營運
貓狗嘅幸福確實有賴大家嘅愛和支持❤️🩷 望大家繼續一齊努力！
BMH 浪浪助養計劃係咩？
Suppaw Bring Me Home嘅「浪浪助養計劃」，主要關注香港有心獨立義工或小型救援機構，原因係佢哋無論係時間、人手或者資源，好多時都係被忽略同比較少支援。而網站入面嘅Video，係百分百由我哋Bring Me Home嘅義工用心去拍攝同訪問。原因係第一，我哋親身去到個度就會明白情況是否屬實，第二，係更切身感受同明白義工嘅處境同埋佢哋需要咩支援。
有時候我哋會因為環境關係未必可以即時去領養或者暫託動物，但然而，香港有好多好有心嘅人都仍然想去幫浪浪，特別係一啲緊急個案。希望集合大家小小嘅支持，聚沙成塔，成為幫助更多浪浪嘅巨大力量！
Bring Me Home會跟進同埋確保資訊清晰透明，我哋會一路完善過程，敬請多多包涵同支持！
*捐款港幣$100元或以上即可扣稅。 （Bring Me Home Ltd – 慈善機構牌照 91/18322）
