17
Dec

無家可歸的浪浪

520浪浪加油站

今年七月,520浪浪加油站收到迫遷的通知,而限期還一次又一次的提前,經過兩個多月的努力,在九月頭的十號風球及黑雨過後的一星期內,520找到臨時居所,並馬上搬進。進入新場後,520卻面對俗語所謂的一波未停一波又起的難題,包括屋頂維修、開通去水渠、安裝冷氣機、進行隔音工程等,支出已遠超出負責人Bella承擔的能力。怎料入住個多月最近520又俾業主迫遷好不容易再次找到新地方, 但需要資金重新裝修及搬遷籌款目標是$25,000, 提供150多隻小狗的生活居所大家可以幫助一下無家可歸的浪浪嗎?

520浪浪加油站 (下稱: 520) 成立於2020年12月,和其他動物救援組織一樣主要救援、接收和安排動物領養。有別於其他組織,520負責人Bella 和義工們每星期其中幾日會去偏遠地區餵飼流浪狗、車場狗和地盤的狗。那些地方的狗雖然都有主人,但其實牠們往往未能得到溫飽,所以Bella不論風吹雨打(十號風球、紅/黑雨也不例外),仍堅持駕車前往放下狗糧。前一段時間,520接收了一群狗寶寶,大家可以上520Facebook留意狗寶寶的最新動向。520浪浪加油站一直的宗旨是“幫得一隻得一隻,救得一隻得一隻;可以不愛,但不要傷害;支持領養,絕不棄養”。經過3年多的救援工作,一些連規模較大的救援機構也拒絕接收的狗狗,也輾轉被交到520。結果被救援狗狗的數目已由當初的10多隻飆升至150多隻。

其中,最為人認識的520長老皺頭,亦是大家心中的生命鬥士。於年6月被巴士撞至盆骨粉碎,當場動彈不得,幸獲Bella及路過的市民合力救起。當時11歲的皺頭最終被截去左後腳。手術後,傷口大,經過3個月的休養及治療,傷口才癒合,皺頭亦總算捱過去。願各位520的支持者,可以慷慨解囊,協助520的寶貝們完成心願,雖然普遍人都偏愛名種狗,但520希望大家可以留意唐狗。唐狗都是非常可愛及忠心。

Video: 

https://www.facebook.com/watch/?v=567396377699414&extid=WA-UNK-UNK-UNK-IOS_GK0T-GK1C&ref=sharing&mibextid=qC1gEa

BMH 浪浪助養計劃係咩?

Suppaw Bring Me Home嘅「浪浪助養計劃」,主要關注香港有心獨立義工或小型救援機構,原因係佢哋無論係時間、人手或者資源,好多時都係被忽略同比較少支援。而網站入面嘅Video,係百分百由我哋Bring Me Home嘅義工用心去拍攝同訪問。原因係第一,我哋親身去到個度就會明白情況是否屬實,第二,係更切身感受同明白義工嘅處境同埋佢哋需要咩支援。

有時候我哋會因為環境關係未必可以即時去領養或者暫託動物,但然而,香港有好多好有心嘅人都仍然想去幫浪浪,特別係一啲緊急個案。希望集合大家小小嘅支持,聚沙成塔,成為幫助更多浪浪嘅巨大力量!

Bring Me Home會跟進同埋確保資訊清晰透明​,我哋會一路完善過程,敬請多多包涵同支持!

*捐款港幣$100元或以上即可扣稅。 (Bring Me Home Ltd – 慈善機構牌照 91/18322)