30
Aug

🆘急籌 貓糧食喂流浪街貓 & 獨立貓義工物資🆘

Suppaw (Bring me home ltd)

喺黑雨紅雨警告下有一班義工不辭勞苦冒住暴風雨落街餵貓…

貓義工除咗平時為人熟知喺屋企照顧暫托貓貓嘅起居飲食呢個重任外， 其實佢哋都會買啲罐頭去街道餵流浪貓 🐈

可愛嘅貓貓每次開餐都化身「吞金獸」一隻貓一日至少要食四五罐。對於義工而言，開支極大

而面對驚青怕人嘅浪浪，需要義工嘅心力時間去等佢哋出嚟。加上近期打風落雨餵貓面臨嘅難度大大增加，更加需要大家嘅幫助😥

除左每星期嘅貓領養日，Suppaw 都想進一步支援貓義工，在此懇請各位捐助糧食物資幫助貓貓度過風雨🎐

另外捐助消耗量很多的貓砂俾一眾貓義工, 幫手減輕負擔

簡單嘅$200捐款就可以買到約12罐貓糧 + 整整2-3包既7L嘅貓砂，同埋不可衡量嘅愛🩷。您嘅無私善舉必定能夠幫到無數浪浪❣️

所需貓罐 : 2400罐

所需貓砂 : 300包

總共： $40,000

懇請各位大力支持及分享，感激不盡🙏

Suppaw (Bring me home ltd)

BMH 浪浪助養計劃係咩？

Suppaw Bring Me Home嘅「浪浪助養計劃」，主要關注香港有心獨立義工或小型救援機構，原因係佢哋無論係時間、人手或者資源，好多時都係被忽略同比較少支援。而網站入面嘅Video，係百分百由我哋Bring Me Home嘅義工用心去拍攝同訪問。原因係第一，我哋親身去到個度就會明白情況是否屬實，第二，係更切身感受同明白義工嘅處境同埋佢哋需要咩支援。

有時候我哋會因為環境關係未必可以即時去領養或者暫託動物，但然而，香港有好多好有心嘅人都仍然想去幫浪浪，特別係一啲緊急個案。希望集合大家小小嘅支持，聚沙成塔，成為幫助更多浪浪嘅巨大力量！

Bring Me Home會跟進同埋確保資訊清晰透明​，我哋會一路完善過程，敬請多多包涵同支持！

*捐款港幣$100元或以上即可扣稅。 （Bring Me Home Ltd – 慈善機構牌照 91/18322）