Dec
心臟病腫瘤、氣管下榻及白內障急需幫忙以安享晚年
幸運狗舍
黃媽媽幾年前係其中一隻生活於墳場嘅狗狗，而狗群之間常會互相打交，有時更會會受傷，黃媽媽更是弱勢一群，於是Emily一次過救了幾隻被排斥嘅狗，黃媽媽便是其中一位。 她今年11歲，不久前證實患上非常罕見的心臟癌症，即係心臟入面有粒腫瘤，而且有擴散跡象，氣管亦有下榻嘅問題，所以佢嘅活動能力逐漸下降，而且還時常咳嗽，暫時可以做的不太多，已經在食化療藥，及氣管藥物。而且左眼有白內障情況，只有一隻眼嘅視力。除咗化療藥物黃媽媽亦需要雲芝補身，稍後Emily亦可能會帶佢回家集中照顧，呢一刻已經很難再出領養，所以亦希望有心人可以助養黃媽媽，令佢病情得以舒緩。
簡哥從事寵物行業已經十多年，Emily本身係音樂老師，幾年前意識到香港其實有好多流浪動物需要幫忙，最初只係以獨立義工方式去幫忙，但所做似終有限，於是慢慢會將流浪狗帶回家照顧。而係簡哥同Emily 理念入面，除咗溫飽，亦希望提供有質素生活比狗狗，原來拯救只係第一步，後續生活亦是同樣重要，而且係對狗狗一生的承諾。於是就開始尋找地點收留更多狗隻。佢地對於狗狗生活質素非常注重，係狗場內盡量都希望讓狗狗自由跑動，不需要入籠，當然要做到呢一點亦很不容易，每每有新狗進場，佢地都會花大量精力去幫佢融入狗群，一隻一隻咁幫佢哋去相處，先可以做到咁多狗可以和平共處， 自由跑動而吾打架，確實需要很多時間。 現時幸福狗舍內大約有30隻狗，分為兩大作息區，簡哥屋企亦收養左5隻有行為問題既狗， Emily 屋企亦有10多隻年老或長期病患狗狗每天照顧，加上狗場只有３人營運，工作量實在非常之大，而且狗舍以外如需要救援， 簡哥同Emily亦都要出動幫忙，所以希望大家能夠支持領養或捐贈幫忙。
黃媽媽笑得好開心呀，由於她有心臟腫瘤及氣管下榻，所以義工都帶咗佢返屋企獨立照顧, 經過幾個月佢都適應咗家居嘅生活，至於黃媽媽心臟癌症, 都係長期治療, 要一直食化療藥物控制腫瘤，暫時健康情況都尚且穩定, 但腫瘤情況要小心觀察, 亦需要每月覆診, 接一來日子希望大家陪伴黃媽媽行落去啦~
BMH 浪浪助養計劃係咩？
Suppaw Bring Me Home嘅「浪浪助養計劃」，主要關注香港有心獨立義工或小型救援機構，原因係佢哋無論係時間、人手或者資源，好多時都係被忽略同比較少支援。而網站入面嘅Video，係百分百由我哋Bring Me Home嘅義工用心去拍攝同訪問。原因係第一，我哋親身去到個度就會明白情況是否屬實，第二，係更切身感受同明白義工嘅處境同埋佢哋需要咩支援。
有時候我哋會因為環境關係未必可以即時去領養或者暫託動物，但然而，香港有好多好有心嘅人都仍然想去幫浪浪，特別係一啲緊急個案。希望集合大家小小嘅支持，聚沙成塔，成為幫助更多浪浪嘅巨大力量！
Bring Me Home會跟進同埋確保資訊清晰透明，我哋會一路完善過程，敬請多多包涵同支持！
*捐款港幣$100元或以上即可扣稅。 （Bring Me Home Ltd – 慈善機構牌照 91/18322）
