11
Nov

油站妹豬健康快樂, 唯對人類仍有戎心

錦田七星崗芳婆婆毛孩之家

2023年8月20 日

最近探訪妹豬,佢近生活愉快,但畢竟係曾經被人類傷害,所以對人類仍然有戒心,但一有零食就急不及待行過嚟🍭🍭,有時還會討摸,但又有點害怕。 佢同其他狗相處亦很好,喜愛陽光下戶外活動,大家如果想繼續令佢開心快樂,都快啲支持助養佢啦😂😂

一個婆婆與39隻毛孩相依為命的故事

婆婆今年65歲,耗盡一生血汗同體力去照顧貓貓狗狗,原因就只得一個,因為十分愛。婆婆話貓貓狗狗生命只有十數年,所以一定要好好珍惜佢哋。幫到佢哋,自己又開心,咁樣先係唔浪費光陰。

婆婆從小就知道自己鍾意貓貓狗狗,由1隻養到6隻,再由6隻慢慢增加到12隻。其他人知道婆婆鍾意,於是不論喺路邊見到可憐狗BB或者受傷嘅貓貓狗狗,就會直接交俾婆婆照顧,甚至有啲無責任心嘅貓狗主人, 想棄養,就乾脆直接將狗狗放喺婆婆屋企門口。最高峰,婆婆要獨力照顧70隻貓貓狗狗。如是者一個狗場就這樣誕生了。

香港人煙稠密,樓價租金每年幾何式增長,可以想像一個普通人要保持一定生活水平已十分困難,更何況係要做保護動物權益養70隻貓狗。婆婆本身係九龍人,由於狗狗數目增加,遭到大廈住客投訴,由九龍搬到新界新市鎮,再由新市鎮搬到更偏遠的元朗郊外。這個荒蕪地方最後就變成貓貓狗狗的落腳地。婆婆話喜歡這裏的一片寧靜,但卻帶來運送物資的困難,因此,狗場地方環境相當簡陋。同時,交通不便會耽誤到帶年老和有病貓貓狗狗睇醫生的時間﹐召集義工亦相當之艱難。雖然如此,但婆婆決心堅定,目標明確,但求一直陪伴睇到佢哋每一個畢業,就心足了。婆婆身體已大不如前,最近眼睛已開始退化,關節因為長期過於勞碌,行路需要拐杖扶持。

婆婆的而且確有她的固執,但是她只想堅持做對的事。動物是一個生命, 保護弱勢社群係每一個人的基本責任。我們希望大家可以伸出援手,幫助婆婆繼續維持這個狗場,繼續宣揚愛護動物的信息,幫助有需要嘅動物。

2022年11月11日 – 油站妹豬終止流浪, 但生活開支仍需協助

妹豬之前被發現時係油站流浪,有好心人定期餵食,但始終油站人少車多,真係吾想見到有咩意外,於是芳婆婆就帶佢返泥,一養已經係4年。

因為係油站被餵食一段時間,妹豬已當餵治者係主人,而且念念不忘,對其他人還很有戒心,入左狗場一段時間仍然很驚青,攞完食物即刻走開,或者要係安全地方先進食,經芳婆婆悉心照料,而家已經有返正常健康,亦係一隻開心小狗。

但因為流浪一段時間,很難適應市區家犬生活,出領養好有難度,希望大家可以贊助一下妹豬生活開支,等佢可以繼續成為開心小狗。

BMH 浪浪助養計劃係咩?

Suppaw Bring Me Home嘅「浪浪助養計劃」,主要關注香港有心獨立義工或小型救援機構,原因係佢哋無論係時間、人手或者資源,好多時都係被忽略同比較少支援。而網站入面嘅Video,係百分百由我哋Bring Me Home嘅義工用心去拍攝同訪問。原因係第一,我哋親身去到個度就會明白情況是否屬實,第二,係更切身感受同明白義工嘅處境同埋佢哋需要咩支援。

有時候我哋會因為環境關係未必可以即時去領養或者暫託動物,但然而,香港有好多好有心嘅人都仍然想去幫浪浪,特別係一啲緊急個案。希望集合大家小小嘅支持,聚沙成塔,成為幫助更多浪浪嘅巨大力量!

Bring Me Home會跟進同埋確保資訊清晰透明​,我哋會一路完善過程,敬請多多包涵同支持!

*捐款港幣$100元或以上即可扣稅。 (Bring Me Home Ltd – 慈善機構牌照 91/18322)