Aug
失明老犬Coffee望安享晚年
獨立義工
2024年2月
Coffee 17歲岩岩畢業了，奔往彩虹橋同其他兄弟姊妹團圓啦.
2023 年12月29日
最近，Coffee有氣喘所以睇醫生，照肺發現有異物，好大機係cancer, 而家選擇安寧治療讓佢安渡餘生，醫生開氣管擴張藥同止痛藥。不需太多照料但都希望有個寧靜暫托既屋企，每日餵兩餐同食兩次藥，你可以成為暫托嗎?🐾💕
一個婆婆與39隻狗狗相依為命的故事
婆婆今年65歲，耗盡一生血汗同體力去照顧貓貓狗狗，原因就只得一個，因為十分愛。婆婆話貓貓狗狗生命只有十數年，所以一定要好好珍惜佢哋。幫到佢哋，自己又開心，咁樣先係唔浪費光陰。
婆婆從小就知道自己鍾意貓貓狗狗，由１隻養到６隻，再由６隻慢慢增加到12隻。其他人知道婆婆鍾意，於是不論喺路邊見到可憐狗BB或者受傷嘅貓貓狗狗，就會直接交俾婆婆照顧，甚至有啲無責任心嘅貓狗主人, 想棄養，就乾脆直接將狗狗放喺婆婆屋企門口。最高峰，婆婆要獨力照顧70隻貓貓狗狗。如是者一個狗場就這樣誕生了。
香港人煙稠密，樓價租金每年幾何式增長，可以想像一個普通人要保持一定生活水平巳十分困難，更何況係要做保護動物權益養70隻貓狗。婆婆本身係九龍人，由於狗狗數目增加，遭到大廈住客投訴，由九龍搬到新界市區，再由新界市區搬到元朗郊外。這個荒蕪地方最後就變成貓貓狗狗的落腳地。婆婆話喜歡這裏的一片寧靜，但卻帶來運送物資的困難，因此，狗場地方環境相當簡陋。同時，交通不便亦耽誤到帶年老和有病貓貓狗狗睇醫生的時間。召集義工亦相當之艱難。雖然如此，但婆婆決心堅定，目標明確，但求一直陪伴睇到佢哋每一個畢業，就心足了。婆婆身體已大不如前，最近眼睛已開始退化，關節因為長期過於勞碌，行路需要拐杖扶持。
婆婆的而且確有她的固執，但是她只想堅持做對的事。動物是一個生命, 保護弱勢社群係每一個人的基本責任。我們希望大家可以伸出援手，幫助婆婆繼續維持這個狗場，繼續宣揚愛護動物的信息，幫助有需要嘅動物。
2023年8月20日
Coffee 喺狗場已經好長時間，好不幸，隨住年紀增長，佢擁有大部份老狗嘅疾病。雖然佢已經完全失明，但好彩得到婆婆嘅悉心照顧同寵愛，配合埋日常食嘅營養補充品，好開心見到 Coffee 近排生活同飲食都一切正常。但畢竟老犬還是有很大醫療開支，請大家幫幫手籌集資金比佢得到適當的治療，減輕痛苦，令佢晚年可以過得好一點。
5月31日 咖啡食罐罐有胃口，淨乾糧冇乜興趣😅
5 月 13 日
Coffee,狼狗妹近來精神OK，但可能之前溝糧雜左d，腸胃冇咁好疴雪禚狀大便，最近調配翻餵食乾糧，大便好翻好多。定期幫佢地洗耳仔，每日食骨丸。
妹豬精神都好好，幾個月前多左两個狗隊友入住(因年老被隔離倉遺棄)，大家都夾做朋友。而家見到人極開心歡迎，想被摸但又怕又退縮，好忙咁走來走去，會繼續溶化佢😜
[視頻寬度=“640”高度=“352”mp4=“https://suppaw.com/wp-content/uploads/2023/04/WhatsApp-Video-2023-05-13-at-10.09.44-AM.mp4″][/video]4 月 5 日
皮膚發炎大致康復。因失明而跌跌撞撞偶有發生，但慶幸問題不大。Coffee已熟識閣樓環境，食野﹑去廁所一切如常，退休生活中。同狼狗妹一樣，會定期食藥減慢關節退化。
9月29日
截至今天，BMH浪浪緊急支援基金為Coffee籌得HKD4756.53，而當BMH已撥捐HKD2055協助Coffee義工購買所需藥品。
9月23日
Bring Me Home義工已成功將第一批物資送到芳婆婆手上。Coffee 係一隻年紀好大嘅狗，因為白內障，每天需要洗眼及擦眼膏防止發炎。義工同時購買咗白內障葉黃素補充劑，希望減慢白內障問題，另外關節營養補充劑希望保障狗狗腳力。老犬的確需要保養，小小捐助已經令佢地減慢退化，多活些時間。
背景故事：
Coffee細細個已被遺棄係街上流浪，途人見佢看起來像隻牧羊犬，樣子可愛亦十分溫馴，不忍心送來給婆婆照顧。佢深得婆婆寵愛，轉眼間，佢已經喺狗場咗10年。如今，年事已高，不幸地佢擁有大部份老狗嘅疾病。白內障令到佢雙眼睇唔到嘢，皮膚多處有肉瘤及發炎，加上有關節問題，令行動更為不便。雖然婆婆已很細心劃出樓上閣樓給Coffee獨個生活，令佢可以安全地活動，但始終Coffee完全失明，即使在閣樓內亦會不停跌撞，每步他也只可小心奕奕，每天活動量大幅下降。畢竟老犬還是有很大醫療開支，請大家幫幫手籌集資金比佢得到適當的治療，減輕痛苦，令佢晚年可以過得好一點。
BMH 浪浪助養計劃係咩？
Suppaw Bring Me Home嘅「浪浪助養計劃」，主要關注香港有心獨立義工或小型救援機構，原因係佢哋無論係時間、人手或者資源，好多時都係被忽略同比較少支援。而網站入面嘅Video，係百分百由我哋Bring Me Home嘅義工用心去拍攝同訪問。原因係第一，我哋親身去到個度就會明白情況是否屬實，第二，係更切身感受同明白義工嘅處境同埋佢哋需要咩支援。
有時候我哋會因為環境關係未必可以即時去領養或者暫託動物，但然而，香港有好多好有心嘅人都仍然想去幫浪浪，特別係一啲緊急個案。希望集合大家小小嘅支持，聚沙成塔，成為幫助更多浪浪嘅巨大力量！
Bring Me Home會跟進同埋確保資訊清晰透明，我哋會一路完善過程，敬請多多包涵同支持！
*捐款港幣$100元或以上即可扣稅。 （Bring Me Home Ltd – 慈善機構牌照 91/18322）
