15
Mar

‼️支持浪浪物資助養!🔸Lilmon小怪獸🔸幸運狗舍

Lilmon小怪獸 x 幸運狗舍

💖請慷慨解囊,並幫助我們散播到您的朋友圈!🐶🐱

Suppaw – Bring Me Home明白,被拯救番黎嘅生命一時三刻未必可以順利尋家,我哋作為一個慈善平台,期望不定期為有需要機構/義工,眾籌所需善款及物資,應急浪浪同場地所需。

我哋宜家開始幫忙『Lilmon小怪獸』及 『幸運狗舍』,為佢哋籌集四月份(及將來!)場地浪浪所需嘅糧食、藥物及用品。

如果透過大家支持能夠成功籌集足夠物資幫助以上兩邊嘅場地浪浪,我哋會繼續努力,實地考察同了解其他香港嘅實實在在救援浪浪嘅場地後再加入新嘅物資捐贈受眾,希望能夠將來再幫助更多嘅浪浪能夠有每月溫飽,滿足佢哋生活基本需要 ❤

📣物資捐款助養目標
⭐狗狗助養:每隻HKD750/月
⭐貓貓助養:每隻HKD380/月
⭐或自訂物資捐款金額

*捐款港幣$100元或以上即可扣稅(Bring Me Home Ltd – 慈善機構牌照 91/18322)

📣物資捐贈對象:
籌款總目標:HKD47,000
籌募時間:即日起至三月三十一日(已完結)
善款用途:款項將用作支持『Lilmon小怪獸』及 『幸運狗舍』場內浪浪所需物資

🐶機構故事

1️⃣『Lilmon小怪獸』
由獨立義工將救浪浪的點滴記錄,無論貓貓或狗狗,義工每日都努力去救援及幫助浪浪找領養家庭。Lilmon小怪獸希望香港人不要忘記社會上還有這群弱勢,多點理解,多點包容。同時希望能得到大家支持及幫助,將力量一點一滴凝聚。

2️⃣『幸運狗舍』
最初以獨立義工方式去幫助浪浪,但所做始終有限,於是慢慢將流浪狗帶回家照顧。兩位創辦人對於狗狗生活質素非常注重,狗場內盡量希望讓狗狗自由跑動,不需要入籠。每有新狗進場,創辦人都會花大量精力去幫助新狗融入狗群,令他們和平共處,自由跑動。現時幸運狗舍場內大約有50隻狗,狗場只有3人營運,工作量極大,希望能得到大家支持領養或捐贈。

浪浪助養數目及資助項目為現時大概估算,籌得款項將全數用以購買浪浪所需物資

助養計劃會每月定期進行,持續捐助會成為我哋同浪浪機構最大嘅動力和支持!❤

Lilmon小怪獸 x 幸運狗舍

BMH 浪浪助養計劃係咩?

Suppaw Bring Me Home嘅「浪浪助養計劃」,主要關注香港有心獨立義工或小型救援機構,原因係佢哋無論係時間、人手或者資源,好多時都係被忽略同比較少支援。而網站入面嘅Video,係百分百由我哋Bring Me Home嘅義工用心去拍攝同訪問。原因係第一,我哋親身去到個度就會明白情況是否屬實,第二,係更切身感受同明白義工嘅處境同埋佢哋需要咩支援。

有時候我哋會因為環境關係未必可以即時去領養或者暫託動物,但然而,香港有好多好有心嘅人都仍然想去幫浪浪,特別係一啲緊急個案。希望集合大家小小嘅支持,聚沙成塔,成為幫助更多浪浪嘅巨大力量!

Bring Me Home會跟進同埋確保資訊清晰透明​,我哋會一路完善過程,敬請多多包涵同支持!

*捐款港幣$100元或以上即可扣稅。 (Bring Me Home Ltd – 慈善機構牌照 91/18322)