Adoption Story #8

2022-08-23

可唔可以介紹一下毛孩?例如年齡、品種、疾病、性格?

🐶 Tiger 係一隻11歲大嘅 Poodle。

毛孩係邊度領養?有無背景故事?

佢被前主棄養在漁農署,加上前主無適當處理牙周病問題,導致佢牙齒好差,再因爲口腔細菌走入心臟,引致心瓣機能衰退, 出現心瓣血液倒流。佢一隻眼有白内障。由於心臟問題,所以佢個肺同腎都受影響。食心臟藥會導致到個腎功能變得差,心擴大又會令到肺積水,繼而就要食去水藥,加上又會壓住氣管,所以Tiger 會咳嗽。
目前Tiger 都食差唔多10種藥(連同保健品)。所以話Tiger每一日都係賺返黎。醫生雖然無判斷Tiger 可以活多久,但係見Tiger都好精神,除了咳嗽比較辛苦之外。醫生只係吩咐盡量唔好郁動太多。照顧Tiger 每月需要大概 3000蚊藥費,所以之前令好多有意領養人卻步。

點解選擇領養?心路歷程如何?

🐶事緣好多年前都嘗試向不同機構申請領養,但係都唔成功。當時又唔識得極力同中心爭取領養,導致過去養嘅兩隻狗都係購買返黎。由於年頭屋企隻狗過身後,就開始做寵物義工。有緣之下就幫Suppaw 處理領養事宜。當時就好奇想瞭解領養手續是否咁困難,亦有心想幫助照顧 Tiger 的一方節省費用,加上自己過去都有經驗照顧與Tiger 有類似病痛的查理斯狗,所以就決定向機構直接申請領養Tiger。義工幾日内就同我哋聯絡兼且睇完家居 video ,好快就幫我哋安排與暫托人聯絡,過程大概2個星期左右就順利帶Tiger 返屋企。經過今次領養申請,我覺得其實義工或者有不同要求或苦衷,但係有時可能因爲要求過高或者單憑表格資料數據就不予考慮申請的話,就有機會導致毛孩一直都未能揾到屋企,咁樣就太可惜了!
兩位主人接 Tiger 返屋企頭兩星期都見佢有啲緊張。成日望住主人做緊乜。可能無安全感所以一有少少聲音或動作就會彈起。但係Tiger 好乖,好聰明,成日望住主人笑,去厠所都不需要教,又識好多指令動作。兩位主人感想就係自己過去養過兩隻狗狗,但係兩隻狗狗都係由3個月大BB狗養起,呢次係首次領養一隻年紀比較大的狗狗,加上好多病痛,都擔心會唔會嚇親Tiger,照顧唔黎。但係都覺得係一個學習機會,會努力照顧佢。雖然目前返屋企時間未夠一個月但係Tiger 去睇醫生或修毛時都會捉住主人,深知主人會保護自己的人。相信假以時日同Tiger 都會建立更多嘅信任。

領養毛孩之前 / 之後相比,生活有無明顯改變?

🐶領養Tiger 之後早咗起身。因爲要帶Tiger 去 walk 而變得健康咗,人變得無咁懶,開心咗,日子變得有意義,唔會覺得無所事事。之前狗狗過身之後都有段時間無養狗,果陣以爲都幾自由啊!但係自從領養 Tiger 之後感覺好唔同,發現原來自己已經習慣咗屋企係要有小動物,所以都唔知係究竟係Tiger 陪我哋定係我哋陪佢(哈哈)。加上宜家兩個人工作都係flexible hours, 好多時都 WFH, 所以有充裕時間陪 Tiger。因爲都唔想 Tiger 一個留係屋企,又怕佢自己一個會驚,大家都會輪流抽時間陪 Tiger,俾Tiger 慢慢適應新環境。Tiger 因爲心臟唔好,所以我哋都想佢可以自己一個靜落黎訓覺。如果我哋係度嘅話 Tiger 會好alert, 好興奮、好緊張。我哋都慢慢調整緊在家時間等 Tiger 可以多啲時間靜靜地休息。Tiger 一興奮就會令到心擴大壓住氣管,佢就會開始咳得犀利啲。 醫生話Tiger 連波都唔可以玩,咁樣會加速消耗佢嘅生命。帶過Tiger 去寵物市集,但係Tiger 係會好驚會震,全程要人抱住,連見到場内食物或者同類都不感興趣。反而鍾意靜靜地係寵物café 逗留。

有啲咩想同「猶疑緊要唔要領養嘅人」講?

🐶 領養當然係一個選擇。但係購買就會助長非法繁殖的風氣,或者不停繁殖配種導致狗狗有好多先天性疾病出現。其實每隻狗狗都好似人類一樣,不論好醜,佢都有自己的性格,未必一定要特定品種,反而要睇下狗狗同自己夾唔夾,屋企係咪適合狗狗居住,呢樣係仲緊要過其他嘢。既然咁多狗狗等人錫,點解仲要去購買而唔領養咧? 要領養不棄養。要多啲以狗狗角度去出發,唔係要狗狗一直做嘢討好我哋,每隻狗就好似人一樣,所以要當狗狗係一名家庭成員。狗狗對於人類係好 inspiring 嘅動物,所以唔好當佢哋係玩具或者寵物。

對Suppaw嘅意見同要改善嘅地方

🐶 Suppaw 好好呀!因爲係一個平台幫唔同機構去發佈領養消息,幫人申請領養。市面係無咁嘅平台。除咗幫助成個領養過程之外,更加重要嘅係推廣“領養”呢個文化。其實呢樣係需要教育。所以呢個平台去做呢個教育推廣,係一個好適合嘅角色。希望Suppaw 可以繼續做落去,去强化教育社會領養呢件事。
Suppaw 係一個充滿機會的平台,呢個平台係有好多地方可以繼續去發展做得更大。當然要似乎公司的宗旨係想係邊方面可以幫到更多毛孩,再尋找合適的資源人物幫助,咁先可以達到想要的效果。

Get notified when new animals are available!

* indicates required

Do you have pets at home?
I am interested in...