Adoption Story #27

2023-11-13

可唔可以介紹一下毛孩?例如年齡、品種、疾病、性格?

我哋係大概10月的時候接左Luna翻屋企。Luna係一隻有少少三色既唐貓,獸醫推斷年齡1.5歲。係一隻好優雅,好斯文又有啲細膽嘅靚女。第一次係領養日見到Luna嘅時候可能人太多有少少驚同震,雖然未有成功摸下佢,不過聽義工講佢係一隻FIP康復貓貓,好堅強親人又親貓,只係雖要少少時間適應。熟左之後就會勁嗲又親人。
因為Luna 比較慢熱,所以返屋企頭兩星期都安排佢住籠適應,不過佢真係一隻天使般既貓貓,除左入屋頭兩日有啲不安叫下之外,之後既時間都好配合我地既作適時間。到第三個星期我地開始開門俾佢探索新地方,佢好快就適應左,而且開始討摸🥹,第一次摸到佢真係好感動。Luna係一隻適應能力好強嘅貓貓,即使我哋換咗佢床仔同埋貓砂盆嘅位置佢都好快適應,而且非常鍾意乾淨唔會周圍磨抓同掃野。

毛孩係邊度領養?有無背景故事?

我係喺Facebook 「期待回家領養平台」得知有領養日,因為一心想領養就去左9/24既領養日。
因為係新手所以一早已經同先生有共識領養一隻成貓,機緣巧合之下就俾我見到Luna,雖然當時佢好驚未有接觸到佢本尊,但負責照顧既義工姐姐好細心咁分享Luna既背景同了解我地對領養貓咪既期望。
透過了解知道Luna本身係義工係上水餵食浪浪既囡囡,一次颱風因為身體不適被義工救起,檢查後發現感染腹膜炎,經過左84針療程及義工悉心照料現已康復,係一隻健康既貓貓。

點解選擇領養?心路歷程如何?

一直都有想養貓既諗法,所以養之前做左一啲research,了解到無良繁殖場對小動物帶嚟既傷害,更意識到領養代替購買既意義,無購買既需求就有助減少繁殖場既惡性循環。
領養前都有反復問自己係咪ready做奴才,透過FB專頁YouTube 影片了解新手貓奴要注意既事項,同貓貓既習性。
透過了解同自身條件,議定左領養一隻成貓做我地既家人。之後就再去唔同機構協辦既領養日物色主子,最後係緣份令我地遇上Luna

領養毛孩之前 / 之後相比,生活有無明顯改變?

Luna入屋之後我多左份使命感,即使佢真係好乖豬唔會嘈醒我地,但生理時鐘每朝6:30就會叫醒我起身放飯。而且如無必要都唔好去夜街喇,主子等緊我!
同埋令我地觀察力都強左,留意佢用餐,作息,便便情況,始終主子唔識同我哋講佢既需要,所以日常細節真係好幫到手了解佢既身心狀況。

有啲咩想同「猶疑緊要唔要領養嘅人」講?

其實領養同結婚差唔多,真係唔好因為一時衝動。要問下自己到底準備好未?係咪順逆境,健康疾病都可以不離不棄?
貓貓既貓生只有十多年,領養後佢既一生就只有你,佢有時可能會高冷搗蛋,但係佢都可以令你既生活充滿樂趣同微笑時刻。係緊張既生活環境擼貓真係可以充分減壓😌
寵物唔係需要比較既物品,唔一定名種先可愛,唐貓都有唐貓既美。

對Suppaw嘅意見同要改善嘅地方

真係要衷心多謝義工們對我地既support。由申請領養過程到接貓入屋,及後支援都衷心感受到義工們對貓貓既無私既愛,同由心幫貓貓搵主好人家既情感。
而且領養後亦不厭其煩解答我呢啲新手貓奴既問題,分享照顧心得。
義工講左句說話令我印象非常深刻「我地最大嘅回報就係知道我哋出領養既貓貓生活安好」

Get notified when new animals are available!

* indicates required

Do you have pets at home?
I am interested in...