Adoption Story #21

2023-08-19

可唔可以介紹一下毛孩?例如年齡、品種、疾病、性格?

沙嗲係一隻唐狗BB。佢而家大概五個月大。性格就比較慢熱怕事。最初返到屋企,佢好驚仲成日匿埋喺凳底,我諗佢應該係之前比較少同人接觸。但過咗幾個星期,都有明顯改善,我相信佢好快可以適應啦。

毛孩係邊度領養?有無背景故事?

沙嗲係喺520浪浪加油站同suppaw喺美孚舉辦嘅領養活動,領養返嚟嘅。

點解選擇領養?心路歷程如何?

我之前係領養過三隻雪撬狗。今年六月最後嗰隻亞仔都離開咗了。我情緒十分低落,每次見到佢嘅物件,我都會好掛住佢。返到屋企又覺得好冷清,心情非常差,慢慢仲患咗抑鬱症。情況一直沒有改善,但係咁樣落去都不是辦法。於是我先生同我講不如再領養過一隻啦,於是我重拾勇氣,決定再次出發。我一見到沙嗲,就覺得佢啲毛色同以前我阿仔好似,就好似見返佢細個嗰陣時咁,我知道係佢啦。這是一種緣份。

有啲咩想同「猶疑緊要唔要領養嘅人」講?

所有動物都需要愛,不管佢背後的故事是什麼。照顧動物是一生一世的事。每一隻動物都會帶比我學習嘅機會。

對Suppaw嘅意見同要改善嘅地方

我都明白領養過程係有時好繁複,但同時我知道機構都係想謹慎處理。所以我絕對明白,沒有什麼需要改善。

Get notified when new animals are available!

* indicates required

Do you have pets at home?
I am interested in...