可唔可以介紹一下毛孩？例如年齡、品種、疾病、性格？

大概3月的時候接蕃薯翻屋企。本身蕃薯係一隻唐貓，獸醫推斷年齡1.5歲。係一隻好外向，friendly 唔怕生保嘅貓貓。第一次見蕃薯果陣都完全無惡，又俾人摸。蕃薯除咗翻屋企頭幾日需要適應新環境之外，幾乎完全無適應期，之後更加已經全屋周圍走。就算陌生人或者朋友到訪都做埋親善大使，用頭挨佢哋迎賓。平時收工翻屋企大閘未開，蕃薯已經好似狗狗咁意識到主人回家，開始係屋内喵喵叫，好熱情歡地歡迎主人。蕃薯係一隻好爲食的貓貓，天生身形偏大。之前蕃薯眼睛因轉季而出現問題，需要滴眼水。但係因爲佢嘅爲食性格，令到主人無遇到任何困難，食物誘惑就可以解決問題！平時幫蕃薯剪指甲，就算佢顯得抗拒，都唔會整傷主人，完全係一隻極度適合新手領養的貓貓。

毛孩係邊度領養？有無背景故事？

蕃薯本身係一隻啱接到 LAP 中心無幾日的貓貓。原本想申請領養的貓貓已揾到屋企。經義工介紹下就有緣領養咗蕃薯。

點解選擇領養？心路歷程如何？

雖然主人本身係一個好怕小動物，甚至乎係街見到小動物都會避開的人，但係自己都支持領養呢個理念，加上太太都一直好想養貓貓，奈何家人反對，所以婚後自住就決定領養。

領養毛孩之前 / 之後相比，生活有無明顯改變？

每日因返工好早，所以出門前會定時定侯餵蕃薯、做清潔, 亦會留低乾糧以免蕃薯餓親 （因爲自己一般都係晚飯後的時間先翻到屋企）。夜晚收工後及周末係屋企都會做多咗清潔的家務，已經演變成一個習慣。蕃薯係一隻非常親人但並不熱衷貓玩具的貓貓，所以無論平時收工返黎幾攰都會抽時間陪蕃薯。領養蕃薯後完全唔覺得照顧佢係一個負擔，反而好樂意，好開心，同埋覺得好慶幸遇到蕃薯咁乖的貓貓。

有啲咩想同「猶疑緊要唔要領養嘅人」講？

可以嘗試預約親身去領養中心見毛孩，徵求義工意見再做出衡量是否適合領養。特別係對新手而言，由於對毛孩認知可能會有落差，所以親眼見過毛孩或者會較好。

對Suppaw嘅意見同要改善嘅地方

自己第一次透過網上領養平台尋找領養資訊，Suppaw 係衆多領養平台當中，係相對地最主動的一個，就算自己領養後都好快就有職員跟進瞭解。所以自己都非常支持 Suppaw 呢個領養不購買的理念！