可唔可以介紹一下毛孩？例如年齡、品種、疾病、性格？

豆奶宜家就七個幾月左右係女仔。佢性格就真非常乖巧又十分親人同時又好為食亦都好嗲。屋企人係屋企既話就一定會過嚟揩下我地又用會用個鼻黎掂我地，想我地去摸佢。

毛孩係邊度領養？有無背景故事？

其實我地本身都已經ready去養貓貓，年幾前搬新屋就已經整左窗花打算之後養貓，只係一路都未有機會。 之後有位朋友就share左傾養日既資訊比我地，所以我就帶埋女女一齊去。
當日去到現場都有好多貓貓，我地都有逐隻望下。當時見到豆奶係個籠裡面，而簡介就寫佢比較乖同親人，咁啱負責既義工呀Ling又係度，咁我就停低同佢傾計了解下。傾左成大半個鐘，同時女女係旁邊亦都同豆奶玩得好開心好夾。義工呀Ling都好好樂意去講解比得我地知，所以當日就決定申請領養豆奶。

點解選擇領養？心路歷程如何？

我地本身都只係想養一隻貓，咁領養既意義就更大。無論咩原因貓貓去左義工度，佢地都係等緊家庭既貓貓。咁所以就覺得不如就係待領養既貓入面揀。
同埋生命都唔應該係買賣。

領養毛孩之前 / 之後相比，生活有無明顯改變？

我覺得養左佢之後我地全家都開心左。只係屋企多左啲貓毛同埋安排左位置買貓爬架比佢。開頭貓貓返屋企既時候工人姐姐係有少少緊張，因為無照顧寵物既經驗。但係豆奶就好乖好嗲，咁所以只係一兩日，姐姐就已經比佢融化左。

對Suppaw嘅意見同要改善嘅地方

我哋都好好彩，義工呀Ling都好快手。特別係佢知道我哋第一次養，佢俾咗好多意見我地，教咗我哋好多有關貓貓嘅知識。佢帶豆奶上嚟我哋屋企嘅時候，教晒我哋需要注意嘅嘢。對於我哋呢啲未養過小動物嘅家庭來講，呢啲真係幫咗我哋好多。