Adoption Story #33

2024-04-08

可唔可以介紹一下毛孩?例如年齡、品種、疾病、性格?

晶晶同瑩瑩(現改名為曲曲奇奇)同佢地見面既時候大概係三個月左右,佢地係普通唐貓,虎斑貓。兩隻既性格都屬於比較驚青。返到屋企之後發現其實奇奇就無咁驚青,所以佢就可以帶領到驚青d既曲曲,令佢對人有信任。因為當奇奇比較鎮定,願意同人接觸。當佢比人抱既時候,曲曲會望到奇奇同人相處既互動,令佢知道原來面對呢d行為既時候佢地都係舒服既,咁曲曲就會容易d去改變自己既性格。咁所以我覺得兩隻一齊領養係比較好。但係佢地都比較貪玩貪食,咁所以其實只要一有野玩有野食,佢地都唔會理,都係玩左先食左先。一無野食就會走人先~

毛孩係邊度領養?有無背景故事?

其實佢地同埋另一隻貓係三姐妹黎,咁其中一隻就比較親人。其實當時我地係領養日都係留意到比較親人個隻先,後尾因為佢地話親人個隻要搭一隻驚青既一齊領養,所以我地先察覺到曲曲奇奇。佢地兩隻都屬於比較驚青,當時係個籠到縮埋一角。因為我地覺得親人個隻應該會比較受歡迎,所以最後我地就領養左驚青個兩隻,就係曲曲同奇奇。

點解選擇領養?心路歷程如何?

咁以前養既貓都係係街見到,然後同佢地傾下計玩下咁就抱起佢地,咁佢地肯跟我走咁我就拎左佢地返屋企養。當然,我都會問下附近既人隻貓本身係有無人養先。前前後後我都拎左幾隻返屋企養,而佢地最後都係老死。
去到宜家,本身我都唔打算再養貓,因為都照顧左好多年同好多隻腦,想休息下。但係因為女女想養,咁可能因為由細到大佢都習慣左屋企有貓,所以宜家又養返貓。我覺得近年街上係比以前少左貓,再加上又多左一d放養既貓,而佢地可能都有主人。所以,我地選擇左領養。

領養毛孩之前 / 之後相比,生活有無明顯改變?

佢地啱啱入屋既時候都比較驚青,但因為我屋企既貓都已經過身,所以佢地入屋係唔洗夾貓。啱啱開始佢地都係入籠先,之後就放佢地出黎玩。一出黎既時候兩個都好驚青,有一隻就逃跑,匿埋係個櫃下低。咁之後就會帶埋呀妹走,所以佢地都幾好架,一隻做左「逃兵」之後仲會搵返另一隻一齊走,咁都幾得意!可能因為我地本身都養開貓,所以都係一兩日左右,就知點樣帶返佢地出黎玩。由驚青開始去到宜家大概兩個月,佢地都已經好適應屋企生活,已經係屋企周圍走又四圍坐,好似大爺咁。

有啲咩想同「猶疑緊要唔要領養嘅人」講?

當然要領養,真係好多貓貓需要幫助。其實真係唔需要買貓。商業繁殖好無良,無必要助長佢地,即使只係買一次都好,咁樣對買賣動物既生意都係一種支持。會令呢個循環繼續落去。

對Suppaw嘅意見同要改善嘅地方

Suppaw提供左一個途徑去比呢d有需要既貓貓狗狗見多d人,出多d領養,比多d人接觸到佢地。所以我覺得非常好。

Get notified when new animals are available!

* indicates required

Do you have pets at home?
I am interested in...