每位家長眼中，自己嘅毛孩絕對係世一，無可取替！以下就係SUPPAW同Morla(媽媽) & Pistachio(大仔)嘅主人Samantha嘅訪問對話：

可唔可以介紹一下毛孩？例如年齡、品種、疾病、性格？

🐱Morla 同 Pistachio 係兩母子嚟。Morla係媽媽，Pistachio係仔仔。佢哋本身都係流浪貓嚟，喺加列山頂嘅野貓。有義工發現Morla有BB後就被接到機構。結果總共有3個BB，全都係男仔，而大哥就係Pistachio (黑白紋)，另外兩個細佬就黃虎紋，而Morla自己就係三色花紋。


Morla性格好驚青, 但行為動作極斯文同優雅，斯文到連嘔毛時都冇聲(好似人類女仔打乞嚏咁)，Pistachio剛剛相反。Morla頭一個星期入屋時好怕生，唔比人摸。試過摸佢結果被爪，所以2歲之前(入屋前)都未試過剪指甲。我哋喺籠養了佢3個半星期後就放出去自由活動！


Morla特別鍾意去電腦枱後面，應該係佢感到舒服嘅位置，好似野外的山洞咁。亦尸因為咁，我同Morla之間嘅感情提升咗好多，慢慢可以摸啦！Morla同時開始鍾意痴人，用頭仔去痴主人身體。一問佢要唔要梳毛，就即刻走埋嚟"咕咕咕”。


而Pistachio就係好細個就入屋，所以好快融入新環境，性格方面好天真無邪。喺野外至入屋後同媽媽關係一直都好好，Pistachio幫媽媽融入家庭有好大幫助！

點解選擇領養？心路歷程如何？

🐱因為Morla 嘅動作姿十直分優美同埋好靚女。佢身體左右有回旋紋，好似美短咁。 了解之後知道Morla有BB，發現大仔Pistachio都好靚仔後就決定一對貓貓一齊領養番去啦！

領養毛孩之前 / 之後相比，生活有無明顯改變？

🐱其實冇咩改變。可能因為Morla曾經係流浪貓， 所以啱啱到家時都唔洗特別照顧。慢慢Morla自己都可以適應新環境，而Pistachio就極速適應咗。因為隻隻流浪貓都有自己野外嘅經歷，所以會好自然咁留意住Morla嘅行為同細節。Morla可能喺流浪時對太多野生動物，所以對快速移動同光影移動上好敏感同覺得驚。我哋知道咗之後，會儘量喺接近Morla個陣放慢動作，，令到Morla冇咁大反應。

有啲咩想同「猶疑緊要唔要領養嘅人」講？

🐱照顧流浪貓比我哋想像中容易，佢哋的獨立能力好強，大致上唔難處理。而年紀大嘅貓就唔洗你擔心太多，基本上佢哋比較獨立，可以自行處理生活。

對Suppaw嘅意見同要改善嘅地方

🐱大致上都好好，可以睇到好多領養嘅資訊。不過領養流程希望可以再加快D會更好！