Suppaw好開心又可以成就一段人貓情緣！以下就係SUPPAW同Keung(啊強)主人Wing嘅訪問對話：

可唔可以介紹一下毛孩？例如年齡、品種、疾病、性格？

🐱佢叫Keung (啊強) ，係一隻3個幾月大嘅唐貓BB，顏色係黃虎紋。啊強嘅性格好怕人，啱啱黎到屋企就驚驚青青咁😅 一見到人就即刻彈開兩尺咁遠！但過咗一星期後，佢就慢慢適應新屋企，仲會主動走去熟人到”嗲”人😍 有時候仲會主動走去我的大肶度休息!

毛孩係邊度領養？有無背景故事？

🐱啊強係經Suppaw介紹而認識，本身佢係一隻流浪貓嚟，被人發現之後就帶佢去咗一間寵物美容院暫托。之後探訪完啊強，果度啲姐姐好好人，可以俾我領養返屋企 。

但有個小插曲，就係喺領養啊強嘅時候，其實都有另一個人想領養啊強。佢想領養啊強嘅原因，係之前佢買咗一隻貓，但屋企人唔鍾意佢隻色...所以就將佢原先果隻貓轉手。而啊強嘅毛色佢好鍾意，所以先揀啊強。最後，啊強嘅寄養家庭聽咗我哋兩邊嘅背景之後，就選擇咗我哋。

點解選擇領養？心路歷程如何？

🐱領養其實係一種緣分嚟，本身我係想領養另一隻黑色貓，但果一隻貓嘅寄養家庭因為養到產生感情，之後就唔捨得😂但又好好彩Suppaw又介紹咗另一隻貓BB啊強俾我哋認識，見面之後發現啊強真係好可愛，就領養返屋企了。

領養毛孩之前 / 之後相比，生活有無明顯改變？

🐱會因為啊強嚟到，所以更頻密返到公司搵啊強，餵食同幫佢剷屎等等。

有啲咩想同「猶疑緊要唔要領養嘅人」講？

🐱如果想領養動物，要有足夠的責任心和決心去照顧動物。因為動物嘅一生都會掌握係你手上。另外，試想像流浪貓由流離失所又冇嘢食，變成有家嘅幸福樣，就會好開心，好想帶佢地返屋企!

對Suppaw嘅意見同要改善嘅地方

🐱Suppaw好好！會幫流浪貓狗去搵領養人。另一方面，好嘅就係會捐錢幫流浪貓狗 。另外Suppaw會好好了解實際情況同背景後，作為橋樑幫我哋同領養機構充份溝通。因為我哋其實全日大部份時間都喺公司，反而屋企真係少時間，所以經Suppaw溝通後，大家都有共識了解我哋好真心想照顧好貓貓，同明白實際情況，令我哋順利領養到啊強！