Adoption Story #30

2023-12-13

可唔可以介紹一下毛孩?例如年齡、品種、疾病、性格?

返左屋企之後,我地幫Musse改左名做Chess。 Chess宜家四個月,係一隻拉布拉多mix唐狗。我覺得佢好聰明架。佢啱啱黎到屋企既時候,除左去廁所之外,其他野都唔識架。但係我當時教佢一d簡單指令例如sit或者同佢講唔可以去某d地方,佢都好快就明白。而佢都好快融入到我地屋企,生活得好自在。因為佢都仲係bb,再加上佢係拉布拉多mix,所以佢既energy都特別多,好鍾意玩,亦都會有唔乖既時候。朝早起身佢會特別頑皮,例如會偷下野食或者專登入d佢唔入得既房。但係去到下午佢就會比較安靜。同埋,因為我屋企仲有兩個小朋友,Chess同佢地玩有時都玩得好癲架,不過佢都唔會惡佢地。所以我覺得整體黎講Chess都算乖同埋聰明。

毛孩係邊度領養?有無背景故事?

我係係Suppaw個網頁見到Chess。因為佢係拉布拉多mix,加上佢既顏色好得意、好特別,所以我對Chess就產生左興趣,然後就聯絡左負責人羅太去了解更多。咁好好彩成件事都進行得好快好順利。個陣我打去比羅太,係我比左資料羅太考慮後,佢好快都比左回覆我。所以好快我地就約左時間出黎見下Chess。見完之後我覺得Chess幾啱我地屋企同埋合眼緣,之後大概一星期左右,Chess就黎左我屋企啦。

點解選擇領養?心路歷程如何?

由我細個開始屋企都一直有養狗,咁我對上一隻狗係一隻16歲既柴犬。隨住佢年紀越來越大,我地屋企都有心理準備佢會慢慢衰老、過身。當時小朋友都想之後領養一隻狗狗,我亦覺得我唔會再去寵物店買狗,所以下一隻狗都好理所當然會領養返黎。由個陣起,我就開始留意有關領養既資訊。

領養毛孩之前 / 之後相比,生活有無明顯改變?

個陣同柴犬生活既時候因為佢已經係一隻16歲既老狗,所以身體都逐漸衰退,四肢都唔係好有力,要依賴我地去照顧佢日常起居,例如餵食、返身等,真係成個月都未有好好訓過。照顧一隻老狗都既攰同宜家照顧Chess既攰係唔同既心情同感受。以前個種攰可能係要經常同狗狗出入醫院,好奔波個種攰,會感覺心力交瘁;而宜家既攰係好似有第二個生命,去照顧一個好活躍既小朋友咁,例如要成日拉住佢同埋唔好比佢咁頑皮。所以都真係好大對比。
宜家同Chess既相處係會令我諗起以前既柴犬細個既時候,又係好活潑好頑皮,教極都唔聽。所以其實都幾百感交集。

有啲咩想同「猶疑緊要唔要領養嘅人」講?

其實領養最主要真係可以幫到一d無家庭既狗,因為佢地都好需要一個屋企去愛佢地。同埋領養有個好處係自己真係可以選擇。其實領養Chess之前我都有諗過領養一隻年紀大少少既狗,咁佢就會比較定,容易照顧d。同埋唐狗既性格比較溫純,好適合家庭領養,係一個好好既family pet架。

對Suppaw嘅意見同要改善嘅地方

我今次領養既experience 都好順利,羅太佢地都真係一個好好既義工,我覺得佢地個機構做得好好。

Get notified when new animals are available!

* indicates required

Do you have pets at home?
I am interested in...