【Suppaw 1314活動 – 寵愛一生 承諾一世 支持領養不棄養】
Suppaw首次喺商城舉辦1314瘋狂優惠活動，藉此推廣對寵物一生一世承諾嘅重要性。今次網上推廣活動成功吸引左唔少愛寵之人，同時再次感謝各商戶嘅參與同支持。 是次活動收益，我哋都一樣會將部份撥捐領養平台，希望一步一步，可以為平台帶嚟穩定嘅基礎，令我哋可以有更多資源去幫助更多嘅浪浪尋家。
【Suppaw獲有線電視iCable採訪】
SUPPAW獲ICABLE《小事大意義》訪問，好高興開始有外間希望了解SUPPAW領養平台成立嘅初衷同真正想做到嘅嘢。其實SUPPAW成立真係有好多機緣巧合，又咁啱2位創辦人嘅經歷同理念相同先至可以成事！ 拍攝同節目仍然喺製作中，我哋公司上下都好期待節目嘅播出，希望可以令更多人理解到領養嘅重要性。 報導：https://www.i-cable.com/%e6%96%b0%e8%81%9e%e8%b3%87%e8%a8%8a/19106/%e3%80%90%e5%b0%8f%e4%ba%8b%e5%a4%a7%e6%84%8f%e7%be%a9%e3%80%91%e3%80%8c%e5%af%b5%e3%80%8d%e6%84%9b%e6%a9%9f%e5%b8%ab%ef%bc%9a%e5%89%8d%e6%a9%9f%e5%b8%ab%e7%84%a1%e5%a5%88%e6%9a%ab%e5%88%a5%e9%a3%9b/
【Suppaw首次參與元旦Chill級得PetPet市集】
SUPPAW喺2022年1月第一次參加由Smart Pet Pet舉辦嘅Chill級得PetPet市集。今次市集包括各式各樣嘅寵物生活雜貨、寵物衣飾、寵物日用品及本地動物系設計手作等，真係十分熱鬧又多嘢睇呀！ SUPPAW為左今次嘅市集都準備左超級得意嘅扭蛋活動比嚟攤位探我哋嘅朋友仔。只要簡單登記同埋Follow我哋IG/Like我哋FB Page，參加者就可以免費扭隻精美扭蛋啦！估唔到當日真係吸引咗好多大人細路，甚至一大家細嚟抽扭蛋呀，我哋嘅扭蛋爭D唔夠供應。我哋好開心好多人都好支持Suppaw呢個無償領養平台嘅理念添！
【RUFF HIKE 毛優冬日步行大挑戰】
SUPPAW喺2021年12 月舉辦咗一次「毛優冬日步行大挑戰」！呢次嘅活動係為領養機構HKSCDA同LAP慈善籌款。活動中參加者只需要揀18號或者19號其中一日， 完成由我哋準備嘅小遊戲同行程後，就可以得到紀念品。 RUFF HIKE慈善步行籌款活動地點喺好多狗狗都鍾意去嘅山頂，今次活動得到義工、參加者同贊助商支持，成功完滿結束！各位都帶埋佢哋好可愛嘅狗狗身體力行捐款同參予！同時好多謝各位係山頂咁凍都落力幫手嘅義工們！ 另外，活動中嘅零食同獎品，都係由寵物食品用品嘅商戶義不容辭去贊助支持我哋，真係好感動。 今次所籌得嘅款項扣除左成本後，已將全數撥捐LAP同HKSCDA，合共港幣10,800。 現時Suppaw雖然唔係一間咩大型機構，但大家都係本身出心出力嘅精神，希望可以為毛孩做多一步！來年我哋都會繼續努力搞更多活動同優惠，希望令到領養嘅工作能更可持續發展，令Suppaw擁有更大嘅力量去做更多嘅嘢，走更長遠嘅路！
【Suppaw寵物商城正式開幕】
SUPPAW成立目的喺建立一個畀所有寵物主人互動交流嘅社交平台，最重要喺我哋想繼續維持呢個無償嘅動物領養平台！ ✨PAW N’ SHOP✨可持續性對救助動物喺關鍵，經過一輪籌備，PAW N’ SHOP終於成立！呢個平台係集合本地好有心嘅寵物用品食品店，提供各種寵物用品/服務。 ✨歡迎合作/加盟✨我哋會同越來越多店舖合作，希望變得更豐富。而PAW N’ SHOP我地唔收上架費之餘我哋都只收取十分合理嘅基本運作費用。有興趣合作嘅店主可以同我哋聯絡！ ✨目標不變✨我哋承諾將每年10%純利捐去救助動物，一步步朝住我哋嘅目標進發：SUPPAW — 浪浪不再!
- Go to the previous page
- 1
- …
- 4
- 5
- 6
- 7
