領養貓隻安裝窗網指引

貓咪都有好奇嘅天性，見到窗外有任何風吹草動都有機會令貓咪有跳窗的風險。近年來貓貓跳樓意外受傷或死亡嘅報導中，多數提及嘅原因係因為無安裝貓網/貓窗網 。有人會覺得村屋唔需要安裝貓網？但是村屋附近都會有唔同嘅野貓或狗狗，有機會令家中貓咪受到驚嚇或攻擊，貓咪嚇到走出屋外導致走失。由此可知安裝貓網係養貓咪嘅必要條件。當你想領養貓咪前，屋企都必須要裝好貓網。

格仔網架可以喺五金舖或家品店 (例如AEON Living Plaza、實惠等) 購買到。可接受硬身包膠格仔網，金屬材質會較為理想。利用膠索帶將格仔網牢固咁索實落窗花度, 必須定期檢查及更換索帶。

格仔不能大於 1.5 吋 X 1.5 吋，窗邊與格仔網之空隙不可多於1寸。如果無窗花就需要用強力負重貼紙，配上掛鈎鞏固。

注意：網架需要覆蓋整個窗框，確保窗網邊沿沒有空隙。軟身紗網、回卷式網、磁石貼式、燒烤網、軟網、雞仔網，有啲機構係唔接受！

【可否被接受因機構而異，如本身已安裝亞加力膠格，請先向有關機構義工查詢。】

此類膠質經日曬後會變得脆弱，故此整套要定期更換 。

規格要求：厚度至少6mm, 開孔3cm。

注意事項: 此類窗花只適合體型較大的成貓，間距必須少於1寸

貓網⾨ – 部分機構只接受堅固不鏽鋼網及必須可以鎖上, 軟身紗網/回卷式網/磁石貼式均不接受。同時請於安裝前先行查閱大廈公契，及向屋宇署查詢。