HKD 300K+
收到的捐款
HKD 270K+
已捐出款項
12+
進行中的活動

你可以支持

給浪浪一個瓦遮:自己養不到,不如幫有心人助養啦?

們相信, 在一個資源如此豐富的香港社會, 唔應該有流浪, 唔應該有飢餓. 飲少杯咖啡, 食少次放題, 就可以幫到小狗有個瓦遮頭, 何樂而不為?

傻媽的故事相信不少朋友有聽說過: 一個女人仔, 辭去酒樓工作一手一腳創立狗舍, 照顧超過100隻流浪貓狗。之前無耐業主收回土地, 幸得香港人發揮團結精神, 迅速得到恒基以一蚊象徵式收費提供土地以及一眾有心人出錢出力興建新狗場,當然仍有一大部份興建費用仍要傻媽獨力承擔,現在已經成功遷移了大部份貓狗,有今天成果可謂得來不易,詳細故事可在個案跟進回看籌地籌錢興建過程。但眼見眾多流浪受傷動物,傻媽亦堅決開始第二期狗舍動工,資金壓力非常巨大。

Suppaw親身探訪過傻媽的貓狗場,非常乾淨企理, 收容不單止健康的小狗,亦有不少曾經身體或心靈同樣受創過既動物,每月糧食、場地營運加上醫療開支超過10萬,傻媽及一眾義工已經係無私地奉獻時間金錢心力體力,但其實距離每月收支平衡仍有距離,到底我們可不可以飲少杯咖啡然後給予傻媽小小幫忙去讓貓狗們過些最基本生活? 

現在Suppaw 發起籌款我們希望每人最少以每星期飲少一杯咖啡既價錢去助養傻媽既貓狗,籌得資金會先購買糧食、醫療、場地營運如水電雜費及維修,新狗舍之後再諗其他辦法吧。一杯咖啡既價錢$30,一個月$120已經可以幫到一隻貓/狗半個月糧食,如果想直接助養,可以每月$300助養一隻,我們亦呼籲有心人如果可以,設定捐款為每月持續捐助養,多謝大家。

傻媽流浪貓狗之家Facebook: https://www.facebook.com/profile.php?id=100083252141359
傻媽流浪貓狗之家Instagram: https://www.instagram.com/bravemumhome/

 

 

View more

Suppaw Bring Me Home嘅「浪浪助養計劃」,主要關注香港有心獨立義工或小型救援機構,原因係佢哋無論係時間、人手或者資源,好多時都係被忽略同比較少支援。而網站入面嘅Video,係百分百由我哋Bring Me Home嘅義工用心去拍攝同訪問。原因係第一,我哋親身去到個度就會明白情況是否屬實,第二,係更切身感受同明白義工嘅處境同埋佢哋需要咩支援。

有時候我哋會因為環境關係未必可以即時去領養或者暫託動物,但然而,香港有好多好有心嘅人都仍然想去幫浪浪,特別係一啲緊急個案。希望集合大家小小嘅支持,聚沙成塔,成為幫助更多浪浪嘅巨大力量!

Bring Me Home會跟進同埋確保資訊清晰透明​,我哋會一路完善過程,敬請多多包涵同支持!

*捐款港幣$100元或以上即可扣稅。 (Bring Me Home Ltd – 慈善機構牌照 91/18322)

浪浪助養

幫助機構緊急糧食籌款!

一場黑雨,除左破壞香港市民嘅日常生活,更嚴重破壞唔少貓狗場多年所準備嘅防洪措施。面對無情嘅黑雨,狗場嘅所有設施亦只有任憑黑雨嘅沖擊,毫無反抗餘地,狗場霎眼間變成水塘。

我地面對黑雨嘅破壞都束手無策,更何況係毛孩。眼見自己身處嘅家園轉眼間變成水塘,自己又無處可逃,當時嘅驚恐無助並非言語能夠表達。感恩一眾義工們即使黑雨、水浸,都對浪浪毛孩不離不棄,盡全力拯救,諗盡辦法將狗狗遷移到唔會浸到佢地嘅地方,確保佢地安全平安。又冒雨連夜不眠幫狗場抽水排水,將損毀減琴最低。感恩有你地成為浪浪毛孩守護者!

今次突如其來嘅黑雨,除左要清理狗場嘅雜物,重新建造預防措施之外,仲要點算今次黑雨破壞嘅物資損失。其中每日所需要嘅糧食更係損失慘重!Suppaw 義工過去亦有到過狗場,親身體會到當地嘅情況,好明白呢場暴雨確實令各機構元氣大傷。所以今次Suppaw 發起緊急糧食籌款,希望能夠集合大家嘅力量,緩解糧食方面嘅迫切問題,另佢地能夠有多少少資源去重新整理貓狗場,為浪浪毛孩建立一個更完善嘅家!

緊急糧食籌款,目標短時間內幫助不同貓狗舍550隻狗、70隻貓(9月10日更新),籌款總目標:HKD38,000
,捐款進度及機構會在盡快在此更新。

HK$80 – 狗狗5日糧食
HK$50 – 貓貓5日糧食

受惠機構:
幸運狗舍 : 幸運狗舍
錦田七星崗芳婆婆毛孩之家: @tsk.fongsweethome 錦田七星崗芳婆婆毛孩之家
阿棍屋: @hjoyandmercy
傻媽流浪貓狗之家: 傻媽流浪貓狗之家

 

*捐款港幣$100元或以上即可扣稅,所有捐款的5%會預留作物支安排及運送支出(Bring Me Home Ltd – 慈善牌照 91/18322)

***Payme/FPS 捐款者, 如果想要收據, 請whatsapp 60588326

View more