狗狗同貓貓嘅視力唔好，所以係依靠味道了解周圍嘅環境、同其他毛孩交流，嗅覺就成為佢哋最重要嘅感官，咁你估吓狗狗定貓貓嘅嗅覺勁啲？
你覺得誰的嗅覺更好？ 狗還是貓？
狗狗有3億個嗅覺受器，比人類最少多1萬倍，可以聞到遠至20公里外嘅氣味，有啲品種甚至聞到30公里外；而貓貓嘅嗅覺受器比狗狗少1億個，只可以聞到20公里內嘅氣味。不過，咁唔代表貓貓嘅嗅覺差過狗狗！
其中一種嗅覺受器叫V1R，負責分辨氣味。人類淨係得2個，狗狗有9個，而貓貓有成30個！雖然貓貓接收氣味嘅距離較短，但係佢地可以比狗狗更仔細分辨出相似嘅氣味。
既然貓貓嗅覺咁靈敏，咁點解得警犬而冇警貓呢？
因為貓貓天生係做主子，係俾你服侍架！
