12
Aug

“係咪我生得唔夠可愛😣,所以等黎等去都未有人帶我返屋企呀😢?

Suppaw (Bring me home ltd)

2024年3月12日

“大家好,我叫Joker🃏,3-4歲既男仔,記得好耐之前係條村到流浪既,但係比其他狗狗欺負咬傷我,記得果陣時好痛痛😭😭,以為自己要返彩虹橋了🌈,好彩有幾個哥哥姐姐帶左我去睇醫生,做左D手術💉至好返…
其實我好想有人錫好想有朋友呀🥺,但係我又好驚佢地好似之前其他狗咁蝦我❤️‍🩹❤️‍🩹,所以我變到好焦慮不安😖,經過左訓練之後我已經放低過去啦😎,依家既我過得好好呀,但有時都會少少寂寞嫁,因為呢我希望有個屋企,有個我想保護既人💕,想每日都帶好多好多正能量比佢呀😄😄"

以上係Joker既心聲呀🥹,如果大家覺得Joker好可愛,歡迎去元朗探探佢,同佢玩下,佢會超開心嫁☺️☺️WhatsApp我地約時間啦https://wa.me/85260588326
✨最後我地都想呼籲大家幫忙轉發比身邊有興趣領養既朋友,考慮一下Joker呀✨
領養申請(Joker):https://suppaw.com/adoptionpost/joker/

💕亦都歡迎有心人幫忙喺Joker尋家期間助養Joker,你願唔願意每月捐款HK$100幫助支持佢嘅日基本生活費?



Suppaw (Bring me home ltd)

2023年11月27日

唔知大家仲記唔記得上年喺村入面比其他狗狗咬到遍體鱗傷嘅流浪狗Joker呢,雖然我地救返佢,但喺因為有陰影所以有少少行為問題好令人擔心😟,我哋一直努力幫佢搵暫託同領養,同時間同佢做行為訓練。

今日好開心喺度同大家分享Joker嘅近況☺️,Joker係8月去咗Six Degrees之後,經過朱sir嘅悉心照顧同訓練之後蛻變成親人又陽光☀️嘅狗狗。

係未入訓練營之前Joker出街見到其他狗狗或者陌生人都會裝腔作勢較為激動同緊張,甚至會e牙開口,去到陌生嘅地方更加會表現到焦慮不安🥹
但依家入左訓練營3個月之後,Joker去到一個新嘅地方見到陌生人同狗狗都表現得好開心好friendly, 仲經常笑添,完全係一隻樂天嘅傻狗仔😆。我地好開心同好欣慰見到佢變返一隻正常嘅狗狗,所以,我哋希望佢可以重新出發,搵到一個forever home,你哋願唔願意畀個家佢呀?

亦都歡迎有心人幫忙喺Joker尋家期間助養Joker,你願唔願意每月捐款HK$100幫助支持佢嘅日基本生活費?

2023年8月18日

🃏Joker之前有一邊嘅後腿有碎骨嘅現象,有賴於大家嘅支持,已經籌集咗一筆醫療費,經過咗幾個月嘅時間,幫佢做咗好多唔同嘅治療,盡能力令佢慢慢康復,依家佢嘅後腿好番好多,真係好感恩。

而收養佢嘅屋企好鐘意佢,亦對佢好好,Joker好忠心,盡心盡力守護屋企人,但有時遇到陌生人同狗嘅時候,佢會好激動,唔畀其他人接近主人,有時會太大聲嚇親其他人😅,所以寄養家庭都安排咗Joker去訓練學校寄宿。

但因上次籌集既捐款已用左好多係醫療,而每個月嘅訓練住宿需要$10,000,資源上急需支援,尋家之路仍然漫長。

「Bring Me Home緊急支援基金」現發起緊急籌募,希望可以儘快為🃏Joker家庭略盡綿力為佢哋籌募所需訓練費用,目標係1萬蚊。當然Bring Me Home亦會於網上為大家更新🃏Joker離開學校後情況,確保資訊清晰透明💖🙏如果可以幫到手嘅,歡迎到以下連結捐助,多少無拘!

*捐款港幣$100元或以上即可扣稅,所有捐款8%會用作Suppaw領養工作用途。 (Bring Me Home Ltd – 慈善牌照 91/18322)

2023年5月15日

傻氣又可愛嘅Joker係30kg+嘅唐狗仔仔,個樣傻更更,性格聽話又忠心,喺暫託家庭用心照顧下越來越靚仔💖但由於暫託家庭已無法照顧,急需在一兩個星期內搵到領養家庭,或者新嘅暫託家庭,如果唔係就真係無家可歸啦😭

上年仲係流浪/放養中,比村入面其他狗狗咬到遍體鱗傷,奄奄一息… 好彩最後做完手術救返!而家基本上完全康復!後腳有啲舊患但唔影響行路,而家又跑又跳係一隻開心狗~🐶

性格慢熱,但熟咗之後就會變得親人親小朋友!由於以前比其他狗狗咬過,所以對其他狗狗有戒心,但係trainer悉心訓練之下而家只需小心控制就冇問題👍

2022年8月12

被收養咗嘅🦇Batman(現正式改名做🃏Joker),其實係被收養前獸醫有指出過佢一邊嘅後腿有碎骨嘅現象,如果唔做手術處理,Joker佢一直會感到痛楚,令Joker肌肉同後腿嘅活動能力有限!

雖然收養佢嘅屋企真係好有愛心同好好人(早前已拆線同沖咗涼),但因為當時嘅時限好短,認養家庭已經係短時間內盡能力準備咗一連串嘅物資去令🃏Joker儘快過上舒適安定嘅生活。但後腿嘅手術因為都緊接住需要去做,係資源上急需支援。

「Bring Me Home緊急支援基金」現發起緊急籌募,希望可以儘快為🃏Joker家庭略盡綿力為佢哋籌募所需手術費用,目標係2萬5千蚊。當然Bring Me Home亦會於網上為大家更新🃏Joker手術後情況,確保資訊清晰透明💖🙏如果可以幫到手嘅,歡迎到以下連結捐助,多少無拘!

BMH 浪浪助養計劃係咩?

Suppaw Bring Me Home嘅「浪浪助養計劃」,主要關注香港有心獨立義工或小型救援機構,原因係佢哋無論係時間、人手或者資源,好多時都係被忽略同比較少支援。而網站入面嘅Video,係百分百由我哋Bring Me Home嘅義工用心去拍攝同訪問。原因係第一,我哋親身去到個度就會明白情況是否屬實,第二,係更切身感受同明白義工嘅處境同埋佢哋需要咩支援。

有時候我哋會因為環境關係未必可以即時去領養或者暫託動物,但然而,香港有好多好有心嘅人都仍然想去幫浪浪,特別係一啲緊急個案。希望集合大家小小嘅支持,聚沙成塔,成為幫助更多浪浪嘅巨大力量!

Bring Me Home會跟進同埋確保資訊清晰透明​,我哋會一路完善過程,敬請多多包涵同支持!

*捐款港幣$100元或以上即可扣稅。 (Bring Me Home Ltd – 慈善機構牌照 91/18322)