Dec
天生殘障 Faith 仍對生命非常熱衷，大家都一齊撐佢延續快樂啦
幸運狗舍
簡哥從事寵物行業已經十多年，Emily本身係音樂老師，幾年前意識到香港其實有好多流浪動物需要幫忙，最初只係以獨立義工方式去幫忙，但所做似終有限，於是慢慢會將流浪狗帶回家照顧。而係簡哥同Emily 理念入面，除咗溫飽，亦希望提供有質素生活比狗狗，原來拯救只係第一步，後續生活亦是同樣重要，而且係對狗狗一生的承諾。於是就開始尋找地點收留更多狗隻。佢地對於狗狗生活質素非常注重，係狗場內盡量都希望讓狗狗自由跑動，不需要入籠，當然要做到呢一點亦很不容易，每每有新狗進場，佢地都會花大量精力去幫佢融入狗群，一隻一隻咁幫佢哋去相處，先可以做到咁多狗可以和平共處， 自由跑動而吾打架，確實需要很多時間。 現時幸福狗舍內大約有30隻狗，分為兩大作息區，簡哥屋企亦收養左5隻有行為問題既狗， Emily 屋企亦有10多隻年老或長期病患狗狗每天照顧，加上狗場只有３人營運，工作量實在非常之大，而且狗舍以外如需要救援， 簡哥同Emily亦都要出動幫忙，所以希望大家能夠支持領養或捐贈幫忙。
2023年3 月22日: 係各位支持下, Faith 已經用緊輪椅喇! Faith 好叻叻已經適應哂周圍”碌”, 有左輪椅既輔助, faith 左走右走都唔會擦傷皮膚, 臉上充滿笑容, 義工仲形容佢”上咗車仔充滿自信”, 成日跑去搵義工玩添, 雖然行動問題已經舒緩,接下來既日子依然面對寵大的生活開支，希望大家一齊陪著faith , 支持faith開開心心咁過～
2023 年12月12日
Faith 一出世可謂已經帶着不幸，5個月大嘅時候喺公廁被人發現，但後腳已經沒有知覺，每日都係一拐一拐地掙扎求存，入到正常家庭簡直係奢望，不幸中之大幸係遇到幸運狗舍，簡哥同Emily 帶咗佢返嚟，而且獨立照顧，但因為下半身太弱，腸胃時常唔好，即使現在沒有其他病痛，每天所需心力去照顧亦不少，大小二便需要即時處理，否則尿道會很容易感染。Faith 有時太活潑，亦會忘記咗自己行動不便，有時太大力然後會擦傷皮膚。可以做的不多，但生活開支依然寵大，現希望善心人可以幫手募捐籌集以下物資，令到Faith可以繼續開心過活。
BMH 浪浪助養計劃係咩？
Suppaw Bring Me Home嘅「浪浪助養計劃」，主要關注香港有心獨立義工或小型救援機構，原因係佢哋無論係時間、人手或者資源，好多時都係被忽略同比較少支援。而網站入面嘅Video，係百分百由我哋Bring Me Home嘅義工用心去拍攝同訪問。原因係第一，我哋親身去到個度就會明白情況是否屬實，第二，係更切身感受同明白義工嘅處境同埋佢哋需要咩支援。
有時候我哋會因為環境關係未必可以即時去領養或者暫託動物，但然而，香港有好多好有心嘅人都仍然想去幫浪浪，特別係一啲緊急個案。希望集合大家小小嘅支持，聚沙成塔，成為幫助更多浪浪嘅巨大力量！
Bring Me Home會跟進同埋確保資訊清晰透明，我哋會一路完善過程，敬請多多包涵同支持！
*捐款港幣$100元或以上即可扣稅。 （Bring Me Home Ltd – 慈善機構牌照 91/18322）
