Sep
狼狗妹手術過後, 耳朵仍有發炎問題，喜見活力增加但康復之路仍然漫長
獨立義工
狼狗妹大約8歲，已絕育，1歲幾被前主人養在室外，不准入屋，直到滿身牛脾被主人遺棄某舖頭外，當時身體還有傷口，至於係被虐打定户外弄傷，就不得而知了，當然芳婆婆亦不忍心，所以就帶左狼狗妹返狗場，從此跟著芳婆婆，而且誕下兒子，兩個感情非常要好，相依為命。
狼狗妹雖然大隻，但性格溫馴，今年初發現左耳耳朵流出深色液體，義工請醫生入場睇過狼狗妹，初時醫生診斷耳朵發炎，嘗試食消炎藥醫治及洗耳朵，但一直沒有好轉，最近已經發現潰爛及惡化，流出惡臭液體，而且已感染左耳，流濃不斷令頸毛醬成一團，即使每日清潔仍擔心有感染風險。
即使財政再困難，婆婆及義工仍想盡一分力，因為再延醫分分鐘有生命危險，近日再次找醫生診斷，兩隻耳仔流膿情況嚴重，而且在外耳及耳道已有傷口，血與膿已混成一團，醫生盡最後嘗試為狼狗妹清潔，當然是非常痛楚，但狼狗妹也只發出小小叫聲，忍痛能力已令人配服，之後還要再覆診及洗傷口觀察情況，有可能要切走耳朵及部份耳道，但沉重醫療開支根本不能負擔，現在都只是見步行步。狼狗妹年時已高，行動不太方便，加上身型龐大，每次從狗場出入上車落車也令婆婆很非常吃力。
9月14日因為狼狗妹出現胃反轉情況，義工已帶浪浪去做緊急胃反轉手術。這3天還處於危險期，要觀察。單是一晚醫療費婆婆及義工已用了$26xxx，之後每日住院約2千/日。
現希望大家能夠幫忙盡快籌到足夠醫藥費，讓狼狗妹可以早日康復。
一個婆婆與39隻狗狗相依為命的故事
婆婆今年65歲，耗盡一生血汗同體力去照顧貓貓狗狗，原因就只得一個，因為十分愛。婆婆話貓貓狗狗生命只有十數年，所以一定要好好珍惜佢哋。幫到佢哋，自己又開心，咁樣先係唔浪費光陰。
婆婆從小就知道自己鍾意貓貓狗狗，由１隻養到６隻，再由６隻慢慢增加到12隻。其他人知道婆婆鍾意，於是不論喺路邊見到可憐狗BB或者受傷嘅貓貓狗狗，就會直接交俾婆婆照顧，甚至有啲無責任心嘅貓狗主人, 想棄養，就乾脆直接將狗狗放喺婆婆屋企門口。最高峰，婆婆要獨力照顧70隻貓貓狗狗。如是者一個狗場就這樣誕生了。
香港人煙稠密，樓價租金每年幾何式增長，可以想像一個普通人要保持一定生活水平巳十分困難，更何況係要做保護動物權益養70隻貓狗。婆婆本身係九龍人，由於狗狗數目增加，遭到大廈住客投訴，由九龍搬到新界市區，再由新界市區搬到元朗郊外。這個荒蕪地方最後就變成貓貓狗狗的落腳地。婆婆話喜歡這裏的一片寧靜，但卻帶來運送物資的困難，因此，狗場地方環境相當簡陋。同時，交通不便亦耽誤到帶年老和有病貓貓狗狗睇醫生的時間。召集義工亦相當之艱難。雖然如此，但婆婆決心堅定，目標明確，但求一直陪伴睇到佢哋每一個畢業，就心足了。婆婆身體已大不如前，最近眼睛已開始退化，關節因為長期過於勞碌，行路需要拐杖扶持。
婆婆的而且確有她的固執，但是她只想堅持做對的事。動物是一個生命, 保護弱勢社群係每一個人的基本責任。我們希望大家可以伸出援手，幫助婆婆繼續維持這個狗場，繼續宣揚愛護動物的信息，幫助有需要嘅動物。
5 月 31 日
今日 氹狼狗妹洗耳仔~
5 月 13 日
Coffee,狼狗妹近來精神OK，但可能之前溝糧雜左d，腸胃冇咁好疴雪禚狀大便，最近調配翻餵食乾糧，大便好翻好多。定期幫佢地洗耳仔，每日食骨丸。
妹豬精神都好好，幾個月前多左两個狗隊友入住(因年老被隔離倉遺棄)，大家都夾做朋友。而家見到人極開心歡迎，想被摸但又怕又退縮，好忙咁走來走去，會繼續溶化佢😜
狼狗妹同狼狗仔好溫馨啊～
4 月 5 日
狼狗妹既胃反轉﹑耳朵發炎﹑身上傷口等問題已康復，現在十分精神！但始終年紀開始大，免疫力同體力會隨年月下降，要定期食藥，希望可以減慢關節退化及預防心絲蟲等疾病，因此最近呢方面既藥物開支都增加左。不過狼狗妹個仔”狼狗仔”搬左出黎同阿媽做隔離鄰舍，平日一齊玩，好開心～
11月28日
經過多月治療及各義工悉心照料, 狼狗妹已大致康復, 近照更新一下，再次感謝各位善心人慷慨捐助 🙂
11月17日
只係頭側未知原因。醫生話如果冇影響日常生活，暫時唔照CT，繼續觀察下先。
10月23日
有少少好消息
，狼狗妹自從出院後陸續有新傷口，醫生解釋係入院時炎症指數高引致，加上抵抗力及免疫力低
，傷口需要較長時間愈合。最近覆診醫生開3星期口服藥+傷口藥膏，但傷口無乜進展，後來據有經驗人仕建議噴銀水，两日後傷口有明顯改善
，希望情況繼續好轉。
狼狗妹暫時繼續由暫託照顧
，除暫託費，我地會自費所有敷料消毒用品，比起診所留醫經濟好多好多
9月29日
狼狗妹終於出左院啦！診所話狼狗妹情況穩定，腎指數正常️，係耳朵同手仔有傷口仍然發炎，現階段只需餵藥，所唔再留喺診所燒錢。由於狼狗妹未能自己走路，已安排由暫託照顧 物理治療，餵藥同洗傷口。
為左今狼狗妹心情開朗啲，婆婆每日都會到暫託家陪食談心，直至行路較穩定就會立即接佢番屋企！祝狼狗妹早日康復。
手術前後支出總共5萬，對芳婆婆及義工實在係一大挑戰，狗場仍有三十多隻貓狗需要生活開支，希望大家都可以出一分力量幫忙芳婆婆同狼狗妹渡過難關。
9月19日
NPV林醫生交代狼狗妹最新情況，之前係胃發現既原來係豬骨，已經拎左出黎。而家仍然處於危險期，腎指數依然吾理想，前手有腫，可能係血液循環或炎症。之前頭一兩日有發燒，但可幸是現在已退燒，血糖暫時稳定，有小便。一日四餐餵水同食物，但無胃口。
現情況依然令人擔心，危險期似乎比別人的長，財症壓力同樣令人擔心，相比狼狗妹，我們再辛苦也希望盡力幫忙，大家也請伸出援手，幫狼狗妹渡過難關。
9月15日
Bring Me Home將截至9月15日部份狼狗妹款項已直接交到芳婆婆毛孩之家手中，我哋知道狼狗妹仲有一段康復嘅日子，希望能先解燃眉之急。
9月14日
世事無常，以為狼狗妹捱過不需做耳朵手術，點知事隔一日下午，佢個肚突然間漲起，芳婆婆同義工當然知道情況不妙，深夜時候馬上安排急診送去NPV，醫生不敢怠慢，馬上幫佢照超聲波及驗血，發現原來胃反轉，而且有生命危險，需要緊急做手術以保生命。
清晨時份收到診所電話，知道狼狗妹大步檻過，醫生解釋胃部有瘀血及腸道有異物，已經把異物取出，胃反轉情況已經醫好，但仍然未度過危險期，因為佢年事已高而且腎指數超標，身體復原能力比較慢，亦祈求唔好有併發症，呢幾日醫生幫佢注射鎮靜劑，以防郁動太多傷口爆裂，可以做的暫時只有咁多，其餘就要靠狼狗妹了，但狼狗妹生存意志好強，我哋相信佢一定可以大步檻過。
醫療開支本來已經龐大，加上突然其來嘅胃部手術更加難以負擔，估計呢次手術會超過3 萭，冇辦法之下，唯有繼續希望善心人士捐款幫助，芳婆婆同義工都體力透支，但絕不會放棄狼狗妹，希望佢早日康復。
9月13日
經過一星期前醫生診斷、洗傷口及藥物治療，狼狗妹耳朵發炎情況得到改善，第二次覆診醫生再次為狼狗妹洗傷口及檢查，受傷情況依然嚴重，傷口仍然有鮮血，但流膿情況有所舒緩。種菌報告顯示耳朵有3種惡菌，情況較為旱見，可幸是上次藥物對兩種細菌有治療作用，今次療程會調較藥物令醫療效果更精準。洗傷口時狼狗妹依然有慘叫，但都盡量忍過去，沒有太大反抗，畢竟佢都是很懂事既小狗，NPV梁醫生及護士亦好細心處理，萬分感謝。
雖然暫時避過手術,但還有多次覆診治療，希望大家可以繼續支持助養狼狗妹日後生活。而歸家時已是夜深，狼狗妹及義工都已疲倦了。
9月7日
義工初步帶狼女去NPV睇醫生。醫生暫時睇左係耳仔發炎，耳入面好多膿同血水，先試一星期藥(種菌幾日出結果再決定要唔要轉藥)，1星期要返去覆診。現階段先食抗生素，類固醇，藥膏藥水洗耳。
覆診冇改善會考慮轉外科醫生睇
X光睇唔到耳入面管導，詳細要麻醉照CT，用藥有改善就唔需要照
BMH 浪浪助養計劃係咩？
Suppaw Bring Me Home嘅「浪浪助養計劃」，主要關注香港有心獨立義工或小型救援機構，原因係佢哋無論係時間、人手或者資源，好多時都係被忽略同比較少支援。而網站入面嘅Video，係百分百由我哋Bring Me Home嘅義工用心去拍攝同訪問。原因係第一，我哋親身去到個度就會明白情況是否屬實，第二，係更切身感受同明白義工嘅處境同埋佢哋需要咩支援。
有時候我哋會因為環境關係未必可以即時去領養或者暫託動物，但然而，香港有好多好有心嘅人都仍然想去幫浪浪，特別係一啲緊急個案。希望集合大家小小嘅支持，聚沙成塔，成為幫助更多浪浪嘅巨大力量！
Bring Me Home會跟進同埋確保資訊清晰透明，我哋會一路完善過程，敬請多多包涵同支持！
*捐款港幣$100元或以上即可扣稅。 （Bring Me Home Ltd – 慈善機構牌照 91/18322）
