領養貓隻安裝窗網指引

本文件資料内容只供參考用途。義工機構保留所有有關個案審理之最終決定權。所有窗網會因日久耗損而導致貓隻墮樓受傷或死亡,義工機構會作出特別要求以確保貓隻安全。敬請留意。資料及圖片來源 (不分先後秩序):
Love Adopt Animal Society 愛領養動物中、 LAP (Lifelong Animal Protection Charity)、HKSCDA、互聯網

點解要裝窗網?

貓咪都有好奇嘅天性,見到窗外有任何風吹草動都有機會令貓咪有跳窗的風險。近年來貓貓跳樓意外受傷或死亡嘅報導中,多數提及嘅原因係因為無安裝貓網/貓窗網 。有人會覺得村屋唔需要安裝貓網?但是村屋附近都會有唔同嘅野貓或狗狗,有機會令家中貓咪受到驚嚇或攻擊,貓咪嚇到走出屋外導致走失。由此可知安裝貓網係養貓咪嘅必要條件。當你想領養貓咪前,屋企都必須要裝好貓網。

百厭貓貓成日又爬又掀窗網,點可以唔安裝穩陣嘅窗網!?

格仔網架

格仔網架可以喺五金舖或家品店 (例如AEON Living Plaza、實惠等) 購買到。可接受硬身包膠格仔網,金屬材質會較為理想。利用膠索帶將格仔網牢固咁索實落窗花度, 必須定期檢查及更換索帶。

格仔不能大於 1.5 吋 X 1.5 吋,窗邊與格仔網之空隙不可多於1寸。如果無窗花就需要用強力負重貼紙,配上掛鈎鞏固。

注意:網架需要覆蓋整個窗框,確保窗網邊沿沒有空隙。軟身紗網、回卷式網、磁石貼式、燒烤網、軟網、雞仔網,有啲機構係唔接受!

如本身已安裝舊式抽氣扇,可以加裝格仔網或安裝以下抽氣扇。

以下為不能使用的繩網、軟⾝卷裝膠網、磁吸式貓網、卷軸式窗網

不能用衣夾固定窗網 (見下圖)

亞加⼒膠格

【可否被接受因機構而異,如本身已安裝亞加力膠格,請先向有關機構義工查詢。】

此類膠質經日曬後會變得脆弱,故此整套要定期更換 。

規格要求:厚度至少6mm, 開孔3cm。

部分機構只接受呢一款,並規定所有開孔⾼度唔可以超過3cm。

窗花

注意事項: 此類窗花只適合體型較大的成貓,間距必須少於1寸

可安裝此類不銹鋼窗花於常開的窗(必須可以鎖上)

已固定推拉式沙鋼窗網

必須要有鎖/能夠固定網的⽅法,以防貓咪意外打開。

露台

貓網⾨ – 部分機構只接受堅固不鏽鋼網及必須可以鎖上, 軟身紗網/回卷式網/磁石貼式均不接受。同時請於安裝前先行查閱大廈公契,及向屋宇署查詢。

(A) 貓網⾨ – 鋼框盪⾨

(B) 貓網⾨ – 鋼框掩⾨

(C) 露台鉄網 – 安全長遠的方法。可以用鉄網圍實整個露台

圖示不能接受的貓網⾨ - 無軌百葉紗網⾨、⼤花鋼網

注意事項

索帶鎖窗 - 常關的窗戶可以用索帶索上,注意開關鬆緊,以確保貓隻不能輕易推開窗逃走。索帶會因日久老化而變得脆弱,需要定期更換。