寵物芳療及按摩工作坊
Suppaw首次聯同國際芳療師及寵物芳療師舉辦「如何運用精油給毛孩們做純天然護理講座」。坊間唔少人唔太明白精油係咩原理同有咩實際用途。原來只要用得啱，精油成份安全，其實對寵物（唔單止只係對人）會有鎮定寧神，甚至係急救嘅作用。感謝專業香薰治療師Elma親自即場示範精油搭配同埋寵物穴位按摩嘅專業知識。
寵物領養及訓練講座
由哥基堂資深嘅訓犬師恩Sir聯同Suppaw親身講解「寵物領養及訓練講座」。當日內容包括領養嘅意義、領養嘅流程同準備、領養寵物後應對方案及應對主子可能有嘅行為問題。當日亦有家長帶同家人愛犬一齊嚟參加講座，同時感謝恩Sir為大家分享咁重要有用嘅資訊。
Suppaw x 家尋浪浪狗狗領養日
Suppaw 聯同家尋浪浪喺7月17日星期日率領一眾可愛爆燈嘅待領養狗狗同大家係實體活動同線上見面！當日比登記出席嘅人數多，唔少人一知道咗個活動都特登趕過嚟了解。同時感謝場地供應「Five by 5」。
KAS 狗狗領養及義賣日
SUPPAW好高興受旺角綠洲邀請到6月18日嘅「旺角綠洲嘉年華」進行網上《KAS 狗狗領養及義賣日》 領養日直播。 希望為待領養狗狗成功尋家出一分力，當日活動有唔少大人同小朋友可以有機會親親唐唐與寵物互動交流，發放無限正能量！
錦鯉出Pool未？
由專搞市集活動嘅Freeture，係5月14-15日舉辦咗「錦鯉出Pool未？」市集活動！今次Suppaw有幸獲邀喺場內舉辦小型「單身『狗』派對」。當日93m.style專業寵物攝影在場為主人同佢口心土嘅毛孩影相，Suppaw Bring Me Home 仲為影相嘅人製作寵物情人匙扣！另外，愛領養亦同場參加慈善義賣。
全港首個元宇宙寵物市集＋領養日
Metaverse開始大行其道，Suppaw首次將元宇宙概念融入寵物市集中，一連三日（4月30日至5月2日）為大家帶來不一樣嘅體驗！ 元宇宙市集內包括「寵物市集」，即場有多個虛擬檔攤，訪客更可以即時同檔主以視像或訊息互動。同時Suppaw再次同本地浪浪救援機構愛領養動物中心合作舉辦「網上領養日」。同場仲同寵物攝影師Elso Wong舉辦咗「寵物攝影網上工作坊」。虛擬Pawffee Shop仲邀請咗寵物專家即場分享同解答毛孩疑難雜症！今次活動幸得各方合作伙伴支持，Suppaw平台邁出新嘗試嘅第一步，日後希望可以繼續為大家帶來更多更好玩嘅活動體驗。
PGRS毛守救援網上領養日
趁復活節假期，SUPPAW IG LIVE共同聯播「PGRS毛守救援網上領養日」。活動中邀請咗2位司儀訪問毛孩界不同嘅專業人士分享寵物知識，同場仲有十幾隻可愛待領養嘅毛孩喺直播中同大家見面。Suppaw嘅創辦人之一CC Yeung，仲有我哋平台嘅專業伙伴都有幸獲邀同大家傾吓計。當日出席嘉賓：(排名不分先後) ➊ Keith Au - 犬隻訓練師 ➋ Vicky Chan - 寵物傳心師 (Suppaw商城窩仔迷線) Chan AC Vicky ➌ CC Yeung - 網上領養配對平台 (Suppaw平台創辦人之一) ➍ Henry - 寵物攝影師 ➎ Joanne…
【Suppaw x 愛領養Love Adopt 萌貓網上領養日】
繼上一次同毛守救援成功舉辦狗狗網上領養日，活動後唔少人都有查詢關於貓貓嘅領養日。好開心今次可以同本地貓貓救援機構 - 愛領養舉辦一次專屬貓貓嘅網上領養活動。 愛領養嘅義工當日好詳細咁逐隻為大家介紹待領養嘅貓貓，包括性格、出處、習慣等。觀眾亦好踴躍咁發問唔少有關暫託同領養嘅資料以及養貓需要注意嘅事項。 重溫當日直播： https://www.youtube.com/watch?v=NvtYMlAbUiM
【Suppaw推出全新星級寵物FAQ平台 – 問問PROF. MO！】
養寵物嘅路上，好多時都會遇到唔少挑戰。SUPPAW與你同行，希望大家唔好因為某D問題而輕言放棄。畢竟毛孩嘅世界只有你！我哋現時已經有幾位專業Blogger會定期為大家分享唔同範疇嘅寵物資訊。 🐶 問問Prof. Mo!：https://shops.suppaw.com/blog/ 🐶 現有駐場星級Blogger： 寵物營養師：https://shops.suppaw.com/author/gigglepaw/ 寵物香薰及按摩治療師 ：https://shops.suppaw.com/author/jsaroma/ 寵物訓練 ：https://shops.suppaw.com/author/sunnydogtraining/
【#寵寵地】萬一要撤走隔離，家中毛孩點算好？
Suppaw好榮幸獲UMagazine邀請做訪問！分享有關本來任職飛機師嘅創辦人之一 - Amy喺疫情下失業，同朋友思詩創立咗Suppaw網上領養平台嘅過程。且因應最近疫情，義工收到唔少求助個案，主人突然被強制隔離，唔知點照顧寵物好。喺訪問中向大家分享咗少少貼士！ 訪問重溫： https://www.facebook.com/umagazinehk/videos/1380734205771958/
【Suppaw x 毛守救援PGRS首個網上領養日】
因為疫情，令到好多活動都暫停或取消。但每日待領養/暫託嘅動物都有唔少，而呢D動物都未必可以有太多時間等待活動重開。Suppaw有見及此，就同本地動物救援機構「毛守救援 PGRS」破天荒搞咗個網上領養日，活動唔單止同觀眾一齊網上直播參觀救援狗場，同可愛狗狗見面外，同時機構都同大家分享咗好多心得同資訊。當日觀眾都好踴躍發問，活動吸引過千瀏覽同過百份申請，實在令人鼓舞。 重溫當日直播： https://youtu.be/mRkKuYN52Qc
